LlGC Llsgr. Peniarth 11 – tudalen 143v

ansaỽd y gỽas a|e gyflỽr. Ac ueỻy y kerdaỽd ef ar|hyt y ffo+

rest yny doeth yỽch benn ffynnaỽn. ac yn|agos y|r ffynnaỽn ef

a arganuu fford a sathyrua dynyon arnei. Ac yna gadaỽ y

fford uaỽr a|oruc ef a|dyuot y honno. a|cherdet a|oruc ef y hon  ̷+

no ual yngkylch miỻtir. ac arganuot neuad dec yn gaedic

o gaeu yn|y chylch. ac edrych a|oruc ef parth a|drỽs y neuad

ac arganuot prenn bychan. a than vric y prenn ef a|welei y

gỽr teckaf o|r a|welsei eiryoet o wr vn oet ac ef. a|gỽaỻt y benn

a|e varyf yn wynnỻwyt. ac a|e laỽ ar|benn y glun. a gỽas ieuanc

geyr y vronn yn daly gỽasgỽynvarch yn|y laỽ. ac yn|y ymyl

yd oed gỽaeỽ a tharyan a|ỻuric. a chrimogeu heyrn. A phan|weles

ef walchmei yn|dyuot ef a doeth yn|y erbyn. ac a|dywaỽt ỽrthaỽ.

A vnbenn heb ef marchoca yn aryf*. ac na wna chweith kynnỽryf

kanys nyt rỽyf reit ym ỽrth o anesmỽythdra mỽy noc yssyd

arnam. ac na chymer yn|ỻe mileindra yd ỽyf|i yn|y dywedut ỽr+

thyt. a|phany bei vot achaỽs ym mi a|th wahodỽn heno. kanys

milỽr da yssyd yn glaf y·gyt a|mi. yr|hỽnn a dywedir y vot yn eil

goreu o|r byt. ac am hynny ny mynnỽn i wybot ohonaỽ ef

vot yma neb marchaỽc o|r byt. kanys nyt oed neb a|aỻei y ludy+

as ef y ymwan a|thi pei a|th welei. ac yn hynny agatuyd ef a|r

aỻei idaỽ efo vynet ar y chware gỽaethaf. ac am|hynny yr ỽyf|i

yma yn|gỽarchadỽ rac gỽelet o·honaỽ ef neb. na thydi nac a+

raỻ. kanys gormod goỻet oed y|r|byt pei kyfarffei ac efo namyn da.

Arglỽyd heb·y gỽalchmei pỽy y|henỽ ef. Myn duỽ heb ynteu nys

managaf i. arglwyd heb·y gỽalchmei a gaffaf|i y welet ef drỽy dy

gennat ti. Na cheffy heb ynteu ac nys|gadaf|i y neb vynet yma

y myỽn.