Breudwd Rhyddiaith Gymraeg 1300-1425
English

LlGC Llsgr. Peniarth 11 – tudalen 126v

Ystoriau Saint Greal

126v

ac yny vyd y gỽae* yndaỽ ynteu ỻet ỻaỽ. A|thynnu y waeỽ a
oruc attaỽ. a|phan|wybu y ỻaỻ y vrathu. kyuodi yn vuan a|+
naeth ef a|dyuot att y varch a|cheissyaỽ roi y droet yn|y w+
arthafyl. pan griaỽd morwyn y gadeir ar|walchmei rac idaỽ
esgynnv ar y varch. kanys pei esgynnei. gormod vydei dy
boen kynn|goruot arnaỽ ~ ~ ~  
P an gigleu y marchaỽc henwi gỽalchmei. ef a|ovyn+
naỽd. ae gỽalchmei nei arthur ỽyt ti. Je ys gỽir heb
yr vnbennes. a|pheth a vynnut ti ỽrth hynny. Minneu a
ym·rof idaỽ megis gỽr a|orchyvyckit. a|drỽc yỽ gennyf na
wybuum hynny yr meityn. ac ar|hynny tynnu y daryan y
am y vỽnỽgyl a|gostỽng idaỽ. a|dywedut ỽrthaỽ. Arglỽyd
hỽde di daryan y gỽr da gynt. kanyt atwaen i neb a|e|dylyo
yn weỻ no thydi. ac a|r|daryan honn y goruuwyt ar|gỽbyl o|r
marchogyon y|rei yssyd yng|karchar yn|y casteỻ hỽnn. Yna
gỽalchmei a gymerth y daryan. a|r|marchaỽc a|erchis idaỽ
ynteu y daryan. kany dygy di dwy daryan. Gỽir a|dywedy di
heb·y gỽalchmei. ac yna y thynnu y am y vỽnỽgyl ar vedyr
y roi idaỽ. pan|dywaỽt yr|vnbennes. Gỽalchmei heb hi ae|roi
y daryan yssyd y|th vryt ti. O|r|dỽc ef dy daryan di y|myỽn. y|rei
yssyd yno a|dywedant daruot goruot arnat. ac a|deuant aỻan
y|n|dỽyn ni ac y|th dỽyn ditheu y myỽn o|n hanuod. kanys
ny dygir y myỽn daryan. onyt yr honn a|orchyuycker. a
vnben|heb·y gỽalchmei nyt yttoedut ti yn puchaỽ ymi dim
o|da. Arglỽyd heb ynteu dy naỽd yr|duỽ. a ỻyma vi yr|eilweith
yn ymroi ytti. yr|hynny ual kynt da vuassei gennyf|i pei caỽssỽn
dy daryan di.