Breudwd Rhyddiaith Gymraeg 1300-1425
English

LlGC Llsgr. Peniarth 11 – tudalen 123v

Ystoriau Saint Greal

123v

nac yn ỻannerch ny bo enniỻ ar|baỽp. Ac yn ymguraỽ heb aỻ+
el y adraỽd. a thy hun a|eỻy adnabot hynny. kanys ti a ysgaelus+
seist wneuthur da. ac a|drosseist dy dechreu ar diwed hagyr. o|r
achaỽs y kefeist diruaỽr ogan. Arglỽyd y·gyt a hynny heuyt
minneu a|dylyaf gỽynaỽ rac y marchaỽc hỽnnỽ. a mi a|dan+
gossaf ytt paham. ac yna dinoethi y phenn. a|e dangos yn
burỻwyt heb vn blewyn arnaỽ. Arglwyd heb hi nyt oed yn
ynys y kedyrn morwyn nac gỽreic degach y phletheu gỽeỻt
no myui. yn|yr amser y doeth y marchaỽc hỽnnỽ y lys brenhin
peleur. ac am na wnaeth ef y govyn yn|y mod y dylyei. yd|ỽyf
inneu ual y gỽelỽch chỽi. ac ny deuaf|i vyth y|m ystat vy hun
yny del yno a|wnel y govyn a|vo gỽeỻ. Etto arglỽyd ny weleist
di kỽbỽl o|r perigyl a|r|drỽc a|doeth o blegyt yr vn marchaỽc
urdaỽl. kanys y|mae yna aỻan. ryỽ beiryant ar|weith cadeir.
a|thri charỽ gỽynnyon y·danei y rei yssyd yn|y harwein yn
wastat. yn|yr|honn y maent o benneu arglỽydi a|marchogy+
on urdolyon deudec a|deugeint a chant. Rei onadunt ac insei+
leu o eur arnunt. ereiỻ ac inseilyeu o aryant. ac ereiỻ wedy
eu hinseilyaỽ o blỽm. Ac ar hynny nachaf y uorỽyn yd oed
y daryan genthi yn|dyuot. ac yn|y ỻaỽ penn brenhines gỽe+
dy inseilyaỽ o|blỽm. a|choron o gopyr am y phenn. ac yn|dyw+
edut. arglỽyd heb hi. achaỽs y vrenhines y ỻas y brenhin y*
ỻas* y* brenhin* bieu y penn yssyd gan vyng|kedymdeithes i. ac y
ỻas yssyd o benneu yn|y gadeir ~  ~  ~  
A Rthur yna a|erchis y gei vynet y edrych gỽeith y gadeir
a|e hadurnyat. A|gỽedy edrych o·honaỽ ef a|doeth drachevyn
y myỽn.