Breudwd Rhyddiaith Gymraeg 1300-1425
English

LlGC Llsgr. Peniarth 11 – tudalen 11r

Ystoriau Saint Greal

11r

Yma y|mae yr ymdidan yn|teỽi am y keis oỻ ac yn troi ar|gala+
ath. kanys peniiaf* oed ef onadunt ỽy. ~ ~ ~  
E * kyfarỽydyt yssyd yn menegi gỽedy ymwahanu o|r ke+
issyeit. marchogaeth o galaath pedwar diwarnaỽt
heb welet vn damwein a|vo gỽiỽ y uenegi. Ac yn|y pymhet
dyd am bryt gosper. ef a|doeth hyt y myỽn manachlaỽc wenn.
Ac yna y myneich pan y gỽelsant a|doethant yn|y erbyn. a|gỽ+
edy idaỽ disgyn ỽynt a barassant ˄ystabyl y|ỽ varch. ac a|e harỽedas+
sant ynteu y ystaueỻ dec. a|e diarchenu a|orugant. ac a|du  ̷+
gassant idaỽ diỻat ereiỻ. ac|yno ef a arganuu deu o|e ge+
dymdeithyon. nyt amgen. brenhin bandymagus. ac owein
uab uryen. a ỻawenhau a|oruc pob vn onadunt ỽrth y gilyd.
A gỽedy daruot udunt superu y nos honno. galaath a|o+
vynnaỽd udunt pa damwein a|e dugassei ỽyntỽy yno.
Myn vyng|kret heb ỽynt ni a|doetham yma y edrych peth
ryued a|dywetpỽyt ỽrthym y uot yn|y ỻe hỽnn. nyt amgen
taryan yr honn ny|s roes neb am y vynỽgyl ny chyfarffei o+
vit ac ef kynn diwed y dyd. Ac o|r achaỽs hỽnnỽ ninheu a
doetham yma. y edrych a|oed wir hynny. Myn vyng|kret
heb y|galaath ryued yỽ os gỽir a|dywedỽch. ac ony eỻỽch
chỽi heb ef y|dỽyn hi. myui a|e|dygaf. kannyt oes im yr
vn. Wrth hynny heb ỽynteu ninheu a|e gadỽn hitheu
itti y|ỽ phrovi ac y edrych ae gỽir a|dywedir am·danei.
Nac ef heb y galaath. my·vi a adaf y chỽi y phrovi ac e+
drych y chynedyf. ac ueỻy y buant y nos honno. a ỻaỽ+
en vuwyt ỽrthunt. ac yn|enỽedic ỽrth galaath pan wybuỽyt