Breudwd Rhyddiaith Gymraeg 1300-1425
English

LlGC Llsgr. Peniarth 11 – tudalen 119r

Ystoriau Saint Greal

119r

nachaf y vorwyn a|adaỽssei dan y prenn yn dyuot attaỽ. Arglwyd
heb hi ymchoel drachevyn. a|dỽc ym benn y marchaỽc a|ledeist.
Yna arthur a|edrychaỽd dra|e|gevyn. ac arganuu diruaỽr berigyl
rac amylder y marchogyon yn aruaỽc. a dyỽedut. a vnbennes ae
vy ỻad i a vynnut ti. ỻyma vyng|cret arglỽyd heb hi na|s mynnỽn
namyn reit oed ym y gaffael. ac ny|m nackaaỽd marchaỽc urda+
ỽl eyrmoet o|r hynn a geissyỽn. ac ny wnel duỽ y|titheu vot yn
yn* vileinyach no neb. Och heb·yr arthur yd ỽyf i gỽedy vy|mrathu
drỽy berued vy|mreich. Arglỽyd heb hitheu mi a|ỽnn hynny. Ac
ny eỻir dy iachau di vyth ony dygy y mi y penn. A vnbennes
heb·yr arthur mi a|brofaf hynny beth bynnac a|darffo ymi.
A Rthur yna a edrychaỽd tu a|r ỻannerch. ac ef a|welei y ni+
uer a|dathoed yno gỽedy dryỻyaỽ corff y gỽr marỽ. a|phob
vn mynet a|e rann ganthaỽ adref. Rei a|throet ereiỻ a dỽrn.
a|chan yr ola* onadunt yr oed y penn yn mynet ar|benn y waeỽ.
y brenhin a aeth yn|y ol. ac a|dywaỽt ỽrthaỽ. A vnbenn aro ychy+
dic y ymdidan a|mi. ỻyma hynny. a|pheth a|rangk bod ytti. Yna
y dywaỽt arthur. mi a|th wediaf yr|duỽ ar roi ym y penn yd|ỽyt yn
mynet ac ef. Mi a|e rodaf yn ỻawen dan amot dywedut o·honat
ym pỽy a|ladaỽd y gỽr bieiuu y penn. ac ny aỻaf|inheu y gael ef
amgenach heb·yr arthur. Na eỻy heb ynteu. a|minneu a|e|dywedaf
yn ỻawen. a|gỽybyd yn ỻe gỽir panyỽ yr amheraỽdyr arthur a|e
ỻadaỽd. Pa le y mae hỽnnỽ ynteu heb y marchachaỽc*. keis di ef
ỻe y mynnych heb·yr arthur ti a|gefeist dy amot. a moes ditheu y
minneu. Ti a|e keffy yn ỻawen heb ef. a|gostỽng y waeỽ. ac arthur
a gymerth y penn y ganthaỽ. Y marchaỽc yna a gymerth corn a|oed