LlGC Llsgr. 3036 (Mostyn 117) – tudalen 261
Brut y Brenhinoedd
261
kanys duỽ oed yn mynnu dỽyn estraỽn genedyl y
dial eu pechodeu arnunt. Ac y eu diwreidaỽ oc eu gỽlat
a thref eu tat. Ac eissoes yr hynny teilỽg oed pei duỽ
a|e canhattei keissaỽ kynydu eu breint ac eu teilyg+
daỽt udunt a bỽrỽ guaratỽydyt y ỽrth an priaỽt ge+
nedyl. mal na ellit dywedut an bot ni yn tywysso+
gyon llesc na gỽallus mal na lafuryem y| geissaỽ
bỽrỽ guaratwyd y ỽrthunt. Ac yn achwanec y hyn+
ny hyach ac| ehofnach yd archaf ui dy ganhorthỽy
ti noc vn arall. kanys yr vn gorhendat a uu in an
deu. Sef oed hỽnnỽ Maelgỽn gỽyned. goruchel vren+
hin ynys prydein. A uu petweryd guedy arthur. A
deu vab a uu idaỽ. Ac einyaỽn oed enỽ y neill o·nadunt.
A run oed enỽ y llall. Ac y einyaỽn y bu vab beli. Ac
y veli; y bu vab iago. Y iago; y bu vab catuan vyn
tat inheu. A run guedy marỽ einyaỽn a|e dihol yn+
teu o|r saesson a doeth hyt y wlat hon. Ac a rodes y
verch y hywel vychan vab hywel vab emyr llydaỽ.
y gỽr a uu ygyt ac arthur yn gorescyn y| guladoed.
Ac yr verch honno y bu alan yn vab y hywel vychan.
Ac y alan y bu vab hywel dy tat titheu y| gỽr a uu ry+
uelỽr cadarn ar freinc tra uu vyỽ. Ac a gynhelis bre+
int y| genedyl yn ỽraỽl.
AC yno y trigyỽys Catwallaỽn y| gayaf hỽn+
nỽ ygyt a Selyf vrenhin llydaỽ. Ac oc eu kyt
gyghor y caỽssant anuon breint hir parth ac ynys
predein. y edrych a damweinhei duỽ caffel llad pelis
enwir
| « p 260 | p 262 » |