Breudwd Rhyddiaith Gymraeg 1300-1425
English

LlGC Llsgr. 3036 (Mostyn 117) – tudalen 256

Brut y Brenhinoedd

256

gossodedic oed o gyneuaỽt yr yn dechreu kynyd
ynys prydein na bydei yndi namyn vn goron
vrenhinyaeth. Ac na ellit kynnỽyssaỽ deu vren+
hin ynteu ar ossymdeith vn. Ac am hynny llidy+
aỽ a| wnaeth etwin. Ac adaỽ y dadleu. A thygu trỽy
irlloned y guiscei ef goron heb ganhat Catwall+
aỽn. A guedy dyuot yr ymadraỽd hỽnnỽ ar Catw+
allaỽn; y tygỽys ynteu trỽy lit a oed uỽy. o| gỽis+
cei ynteu goron yn teruyneu ynys prydein. y lla+
dei ynteu y pen ef y dan y goron. Ac o hynny geni
teruysc y·rygthunt. A guedy kynnullaỽ y llu mỽ+
yhaf a allassant y| gaffel o pop parth. dyuot erbyn
yn erbyn hyt y tu traỽ y humyr. Ac yna guedy ym+
gyuaruot o|r deu lu. A dechreu ymlad. colli a oruc
Catwallaỽn lawer o vilyoed o|e wyr. A|e gymhell e
hun ar| ffo. A chymryt y hynt a wnaeth ar ffo trỽy
y| gogled. A chaffel llogeu. A mynet hyt yn iwerdon.
A guedy caffel o etwin y uudugolyaeth honno; ker+
det a oruc trỽy gyfoeth Catwallaỽn a llosci y dinas+
soed Ac eu hanreithaỽ. A llad y bileinllu ar tir diỽ+
hyllodron. Ac ar hynny eissoes guedy kaffel o
Gatwallaỽn porth o iwerdon keissaỽ a oruc dyuot
parth ac ynys prydein. A phy borthua bynhac
y delhei; yna y bydei etwin a llu gantaỽ yn| y lud+
yaỽ. kanys dewin doethaf o|r byt oed gyt ac etwin
pelis enwir oed y henỽ. A hỽnnỽ a ednebydei ar
redec y syr ac ar tỽrỽf escyll yr adar y damwein+