Breudwd Rhyddiaith Gymraeg 1300-1425
English

LlGC Llsgr. 3036 (Mostyn 117) – tudalen 230

Brut y Brenhinoedd

230

euander vrenhin syria. A guedy caffel o|r brytany+
eit y uudugolyaeth honno yd anuonassant eu kar+
charoryon parth a pharis. Ac odyna ymchoelut
tracheuyn gan adaỽ budugolyaeth gobeith y eu
brenhin. kanys niuer mor vychan a hỽnnỽ ar| gaỽ+
ssei uudugolyaeth o|r saỽl elynyon hynny.
A Guedy guelet o amheraỽdyr rufein meint y
gollet o|e wyr ar dechreu y luyd. A thristau a| or+
uc yn vaỽr a| medylyaỽ peidyaỽ a|e darpar am ym+
lad ac arthur. A mynet o|r lle hỽnnỽ hyt yn aỽuern
y arhos porth attaỽ o newyd. A guedy clybot o arthur
hynny; mynet a| oruc ynteu hyt nos y eu ragot ỽy
y fford y doynt trannoeth. A guedy y| dyuot yno;
llunyaethu y| wyr a| oruc trỽy naỽ bydin. A whe+
guyr a wheugeint a whechant a chwe mil ym
pop vn o|r bydinoed. Ac yn ychwanec y hynny dodi
lleg ar neill tu y| g·wersyll erbyn pan vei reit ỽth*+
unt A morud iarll kaerloyỽ yn| y llywyaỽ. Ac y
pop vn o|r bydinoed ereill y rodet tywyssogyon y eu
dyscu ac y eu llywyaỽ. Ac ymlaen y uydin gyntaf
y rodet araỽn vab kynuarch. A chadỽr iarll kernyỽ.
Vn ar deheu. Ac arall ar asseu. Ac yr eil vydin y ro+
det; Gereint garanuys. A boso o ryt ychen. Ac yr
tryded vydin y rodet achel vrenhin denmarc. A
lleu vab kynuarch brenhin llychlyn. Ac yr pet+
wared vydin. hywel vab emyr llydaỽ. A gỽalch+
mei mab gỽyar. Ac yn ol y pedeir hynny y gossodet