Breudwd Rhyddiaith Gymraeg 1300-1425
English

LlGC Llsgr. 3036 (Mostyn 117) – tudalen 208

Brut y Brenhinoedd

208

arthur y| wahaỽd y brenhined ar tywyssogyon ar ieirll
ar barỽneit ar marchogyon urdaỽl ar guyrda. y| gy+
mryt eu iaỽn a  eu dylyet ac eu breint. Ac yna
y| doethant Araỽn vab kynuarch brenhin yscot+
lont. Vrien vab kynuarch brenhin reget. katwa+
llaỽn llaỽhir brenhin gỽyned. Meuryc vrenhin dy+
uet. kadỽr vrenhin kernyỽ. A thri archescob o
ynys prydein. Archescob llundein. Ac archescob
kaer efraỽc. A dyfric archescob kaer llion ar ỽysc.
A hỽnnỽ oed penhaf yn ynys prydein. A legat dan
pap rufein. Ac y am hynny tywyssogyon y dinasso+
ed maỽr bonhedic. Morud iarll kaer loyỽ. Mor iarll
kaer ỽyragon. Anaraỽt o amỽythic. Marchrut
o gaer weir. yr hon a elwir weithon warwic. Ywein
o gaer lleon. kynuarch o gaer geint. Guallaỽc o sals+
buri. Vryen o gaer vadon. Jonathal o dorcestyr.
Boso o ryt ychen. Dunaỽt vab pabo post prydein.
keneu vab koel. Peredur vab prud. Gruffyd vab
uogoet. Rygyn vab claỽd. Edelyn vab coledaỽc.
kyngar vab angan. Mascen vab cloffaỽt. Run
vab Noethon. kynuelyn vab trunyat. kariel vab
kadell. kynllith vab Noethon. Ac y gyt a hynny
llawer o wyrda oed ryhir eu datganu. Ac o|r ynyssed
y doeth yno Gillamỽri brenhin iwerdon. A Gilla+
mỽri brenhin islont. Doldan vrenhin Gotlont.
Guinuas vrenhin orc. lleu vab kynuarch brenhin
llychlyn. Echel brenhin denmarch. Ac o| ffreinc y