Breudwd Rhyddiaith Gymraeg 1300-1425
English

LlGC Llsgr. 3036 (Mostyn 117) – tudalen 156

Brut y Brenhinoedd

156

y brenhin annot hynny. yny darffei idaỽ yn gyn+
taf gaffel gỽrtheyrn. kanys kymeint oed y lit o
achaỽs y brat ry|wnathoed ỽrtheyrn yỽ tat ef.
ac nat oed well gantaỽ wneuthur dim o|r a wne+
lhei no pheidaỽ. ony chaffei yn gyntaf dial y lit
ar ỽrtheyrn. Ac ỽrth hynny ymchoelut a oruc  
ac emylyeu kymry a|chyrchu castell goronỽ y lle
y ffoassei ỽrtheyrn idaỽ y geissaỽ diogelỽch. Sef lle
yd oed hỽnnỽ yn ergig ar lan gỽy auon ymynyd
clorach. A guedy dyuot emreis hyt yno. coffau
a|wnaeth ynteu y brat ar wnathoed ỽrtheyrn yỽ
tat. ac yỽ vraỽt. A dywedut val hyn ỽrth eidol iarll
kaer loyỽ. Edrych ti tywyssaỽc bonhedic yn graff adeil+
adeu y gaer hon ar muroed. A tebygy ti a allant
ỽy diffryt gỽrtheyrn ragof|i megys na chaffỽyf|i
cudyaỽ blaenllymder uyg cledyf yndaỽ. kanys
haedỽys agheu megys y gỽdost|ti. Kanys yn gyn+
taf ef a vredychỽys vyn tat i. y gỽr a rydhaỽys
y wlat ac ynteu y gan ormes y ffichteit. A guedy
hynny y bredychỽys constans vy mraỽt. Ac o|r
diwed guedy y uot e hun yn vrenhin. y|duc estra+
ỽn genedyl paganyeit saesson y geissaỽ distryỽ
y kiỽtaỽtwyr ac a tebyccei y uot yn kadỽ fydlon+
der i minheu. Ac eissoes heb ef megys y canha+
ta duỽ. neu ry syrthỽys ef yn|y magyl a|tannỽ+
ys e|hun y rei guiryon. kanys y gyt ac y gỽybu
y saesson y enwired ef; y byryassant ef o|e vren+