Breudwd Rhyddiaith Gymraeg 1300-1425
English

LlGC Llsgr. 3036 (Mostyn 117) – tudalen 115

Brut y Brenhinoedd

115

kynnullaỽ a allassant y|gaffel yn ynys prydein.
a chyrchu eu gelynyon. A guedy ymlad ac ỽynt
trỽy euyrllit y|guynuytedic ỽr hỽnnỽ kaffel y uud+
ugolyaeth. A guedy mynet hynny yn honheit tros
y teyrnas; ymgynnullaỽ a wnaethant yr holl vry+
tanyeit hyt yn cyrcestyr. A guiscaỽ coron y teyrnas
am pen custenhin vendigeit. A|e vrdaỽ yn vrenhin
ar ynys prydein. A rodi gureic idaỽ a hanoed o dyly+
etogyon rufein. Ac a|uagyssit yn llys kuhelyn arch+
escob llun·dein. Ac o|r wreic honno y bu idaỽ tri meib.
sef oed y|rei hynny; Constans. Ac Emreis wledic.
Ac vthyr pendragon. Ac y|rodes ef Constans y
mab hynaf idaỽ ar|uaeth y manachloc amphiba+
lus yg kaer wynt. Ac y|wneuthur yn vanach. A|r
deu vab ereill emreis ac vthyr a|rodet ar vaeth
ar kuhelyn archescob. Ac ym pen y|deu·dec mlyned
guedy hynny y doeth vn o|r ffichteit a|r|uuassei
ỽr idaỽ kyn no hynny. A galỽ y brenhin attaỽ me+
gys y gyfrỽch yn|lle yscyualaf. A guedy gyrru
paỽb y ỽrthunt; y lad a chyllell.
AC yna guedy llad custenhin vendigeit. y
kyuodes annuundeb y·rỽg guyrda y teyr+
nas am wneuthur brenhin. kanys rei a uynei
wneuthur emreis wledic yn vrenhin. Ereill a
vynnei wneuthur vthyr pendragon. Ereill a
vynnynt wneuthur vn oc eu kenedyl. Ac o|r
diwed guedy na duunynt am hynny. Sef a wnaeth