Breudwd Rhyddiaith Gymraeg 1300-1425
English

LlGC Llsgr. 3035 (Mostyn 116) – tudalen 76v

Brut y Brenhinoedd

76v

Aa ỽrthỽynebynt im. Ac yna y|dywaỽt hengyst Ar+
glỽyd kanhatta titheu y|th was gỽneuthur ar y tir
a rodeist im. kymeint ac ym·gyrraetho karei y dam+
gylchynu o|hunty mal y bo diogelach im ym·gadỽ y
hỽnnỽ rac vyg gelynyon. kanẏs fydlaỽn vuum ac ỽyf
ac vydaf itti A|phy beth bynhac a wnelỽyf yno; yn|fyd+
londer itti y gỽnaf. A chanhadu a|wnaeth y brenhin ida
hẏnẏ A gorchymyn idaỽ eỻỽg kenadeu hyt yn ger+
mania y erchi keissaỽ porth odyno. Ac yna heb vn gohir
eỻỽg a|oruc hengyst hyn* yn germania a chymryt croen
tarỽ a wnaeth hengyt a|e hoỻi yn vn garrei Ac odyna
ethol y ỻe kadarnaf a aỻỽys y gaffel ar y|tir a|rodassit
idaac a|r garrei hono messuraỽ ỻe kasteỻ a dechreu
y a·deilat yn dianot A|phan daruu adeilat y gaer y gel+
wit kaer y garrei. ỽrth y|mesuraỽ a|r garrei Ac yn sa+
esnec tancastyr Ac yn ỻadin castrum corrigie. Ac o|r en+
weu hynẏ y|gelwit yr hyny hyt hediỽ. 
A c ymchoelut a wnaeth y genadeu o germania
a deu·naỽ ỻog yn ỻaỽn o etholedigẏon varchogy+
on aruaỽc gantunt a Merch hengyst gantunt
Sef oed y|henỽ ronwen. Ac nyt oed yr eil a gyffylypit
idi rac y|tecket. A gỽedy dyfot y|nifer hỽnSef a|oruc
hengyst gỽahaỽd gỽrtheyrn y edrych yr a·deil deisyfẏt
a|r wnathoedit Ac y edrych y marchogyon newyd dyuot
A gỽedy dyuot y brenhin yno a nifer bychan gantaỽ
moli a wnaeth y gỽeith newy* A chymryt y marchogy+
on newyd|dyuot yn wyr idaỽ A gỽedy daruot vdunt
vỽyta o vrenhinyaỽl anregyon. Na·chaf y vorỽyn yn
dyuot o|r ystaueỻ a gorulỽch eur yn|y ỻaỽ yn ỻaỽn
o win. Ac yn dyuot hyt rac bron y brenhin A gỽedẏ