Breudwd Rhyddiaith Gymraeg 1300-1425
English

LlGC Llsgr. 3035 (Mostyn 116) – tudalen 38r

Brut y Brenhinoedd

38r

jeuaf idaỽ cordeiỻa. A|phan y doeth yn ỻithraỽ parth
a|heneint medyỻyaỽ a wnaeth pa wed yd adawei
y|gyuoeth gỽedy ef y verchet. Sef a|wnaeth profi
pỽy vỽyaf o|e verchet a|e karei ỽrth rodi idi y|ran
oreu o|r kyuoeth gan ỽr. A galỽ a|wnaeth attaỽ y verch
hynaf idaỽ goroniỻa a gouyn idi pan* ueint y|karei
hi ef. A|thygu a|wnaeth hitheu y|nef a|r|dayar bot yn
vỽy y|karei hi euo no|e heneit e|hun. A|chredu a|wnaeth
ynteu idi hi hẏnnẏ a dywedut ỽrthi kan oed kymeint
y|karei hi euo a hynny y|rodi ynteu drayan y gyuoeth
genti hi y|ỽr a|dewissei yn ynys prydein Ac yn ol honno.
gal attaỽ ragau y verch eil hynaf idaỽ a gofyn idi
pa veint y|karei hi euo A|thygu a|wnaeth hitheu y gyfoeth+
eu y|nef a|r dayar na aỻei dywedut ar y|thauaỽt ly+
ueryd pa veint y|karei. A chredu a|wnaeth ynteu hynẏ
ac adaỽ idi hitheu y|rodei hi y|r gỽr a|dewissei a|thrayan
y|gyuoeth genti. Ac yna y gelwis y|verch jeuaf idaỽ
attaỽ a gofyn idi pa ueint y|karei ef. Ac y|dywaỽt
hitheu ry garu ef eiroet megys y|dylyei verch garu
y|that. Ac nat yttoed etwa yn peidaỽ a|r karyat hỽnỽ.
Ac erchi idaỽ gỽarandaỽ yn graff pa veint oed hyny.
A|sef oed hynny yn|y veint y bei y gyuoeth a|e jechyt a|e
deỽred. A|blyghau a|ỻidyaỽ a oruc ynteu A|dywe+
dut ỽrthi. kan oed kymeint y tremygassei hi euo
a|hynny val yna|karei hi euo megys y|karei y|chỽioryd
y|ỻeiỻ diuarnei ynteu hihi hyt na chaffei neb ryỽ
ran o|r ynys y·gyt ac ỽynteu. Ny dywat ynteu na
rodei hi y|ỽr ny hanfei o|r ynys. o|damweinei y|r kyf+
ryỽ ỽr hỽnnỽ y herchi heb argyffreu genti. Hyn
heuyt a|gadarnhaei hyt na lafuryei y geissaỽ gỽr