LlGC Llsgr. 3035 (Mostyn 116) – tudalen 35v
Brut y Brenhinoedd
35v
ymlad ac albanactus y lad a|chymell y bobyl ar fo hyt
ar locrinus A gỽedy gỽybot y gyfranc honno o|locri+
nus kymryt kamber y vraỽt a oruc y·gyt ac ef a|chyn+
nuỻaỽ eu ỻu a mynet yn erbyn humyr vrenhin
dunaỽt hyt yg glan yr auon a|elwir humyr Ac ym+
lad ac ef a|e gymeỻ ar ffo. Ac yn|y fo hỽnnỽ y bodes ar
yr auon. Ac yd edewis y enỽ ar yr auon yr hyny hyt
hediỽ. A|gỽedy kaffel o|locrinus y vudugolyaeth hono
rannu yr yspeil a wnaeth y·rỽg y getymdeithon heb
adaỽ idaỽ e|hun dim eithyr teir morỽyn anryued
eu pryt ac eu tegỽch a gauas yn|y ỻogeu A|r hynaf
o|r teir morỽyn hynny oed verch y vrenhin germa+
nia Ac a|dugassei humyr gantaỽ pan vuassei yno
yn anreithaỽ y|wlat honno. Sef oed enỽ y vorỽyn
honno esyỻt. Ac nyt oed haỽd caffel dyn kyn decket
a|hi yn yr hoỻ vyt. Gỽenach oed no|r ychtywynedic
ascỽrn moruil. Ac no dim o|r a eỻit diaerhebu ohonaỽ
A|diruaỽr serch a|charyat a dodes locrinus arnei A|mynu
y chymryt yn wreic wely idaỽ A gỽedy clybot hyny
o corineus ỻuydaỽ a oruc kanys kyn|no hynny yr
wnathoed locrinus amot y gymryt y verch ef
yn briaỽt. A|dyuot a|wnaeth corineus at locrinus a dan
dreiglyaỽ bỽeỻ deuỽynebaỽc yn|y laỽ deheu idaỽ a dan
dywedut y|ryỽ ymadraỽd hỽnnỽ Ae veỻy locrinus y|tely
di ym·i y|saỽl vrath a|gỽeli a gymereis. i. dros dy dat ti
tra vum yn kynydu idaỽ. kymrẏt aỻtudes hediỽ yn wreic
it ny ỽdost o|pa le pan heniỽ. A gỽrthot vy merch inheu.
Ednebyd nat prytuerth itt hyny tra vo nerth yn|y vreich
deheu hỽn. Yr hỽn a|ladaỽd y saỽl geỽri ar draetheu y+
nys brydein Ac y·veỻy y|ogyuadaỽ yn vynych dan drei+
| « p 35r | p 36r » |