LlGC Llsgr. 3035 (Mostyn 116) – tudalen 172v
Brut y Tywysogion
172v
a dristaaỽd yn gymeint ac na aỻei ẏ hẏfrytau ef na the+
gỽch teyrnas na digrifỽch na chlaer didanỽch gỽyrda nac
edrychedigaeth maỽrweirthogẏon betheu. namẏn duỽ
rac·welaỽdyr pop peth a drugarhaaỽd o|e arueredic defaỽt
a|drugarhaỽd ỽrth genedẏl y brẏtanyeit rac y|choỻi megys
ỻỽg heb lywyaỽdẏr arnei. a getwis vdunt ywein yn dywys+
saỽc arnunt. kanys kyn kyrchassei anniodefedic dristitt
vedỽl y|tywyssaỽc. eissoes ef a|e drychafaỽd deissyfyt lewe+
nyd drỽy racweledigaeth duỽ. Kanys yd oed neb vn gasteỻ
a elwit yr|ỽydgruc y|buessit yn vynych yn ymlad ac eff heb
dẏgẏaỽ. a phan doeth gỽyrda ywein a|e teulu y ymlad ac
ef ny aỻaỽd nac anyan y ỻe na|e gedernhit ymỽrthlad
ac ỽynt. yny losget y casteỻ ac yny diffeithỽyt wedy ỻad
rei o|r casteỻwẏr a dala ereiỻ a|e karcharu a|phan gigleu
ywein yn|tywyssaỽc ni hẏnẏ y geỻygỽyt eff y gan pop
dolur a|phob medỽl cỽynuanus ac y doeth yn rymus y|r
ansaỽd oed arnaỽ gynt. Y vlỽydyn rac ỽyneb yd aeth lowis
vrenhin freinc ac amheraỽdẏr yr almaen gyt ac eff a dir+
vaỽr luoessyd o ierỻ a barỽneit a|thywyssogyon gyt ac
ỽynt a|chroes i gaerussalem. Yn|y vlỽydyn hono y kyffroes
cadeỻ ap gruffud a|e vrodẏr. Meredud a rys a gỽilim
ap geraỻt a|e vrodyr gyt ac ỽynt lu am ben casteỻ gỽiss
a gỽedy annobeithaỽ o·nadunt yn|y nerthoed e|hunein
galỽ hỽel ap ywein a orugant yn borth vdunt kanys
gobeithaỽ yd|oedunt o|e deỽr·leỽ luossogrỽyd ef parottaf
y ymladeu a|e doethaf gygor gaffel onadunt y vudugol+
lyaeth. a hywel megys yd|oed whanaỽc yn wastat y glot
a gogonyant a beris kynuỻaỽ ỻu geỽaff* a|pharottaff
| « p 172r | p 173r » |