Breudwd Rhyddiaith Gymraeg 1300-1425
English

LlGC Llsgr. 3035 (Mostyn 116) – tudalen 137r

Brut y Brenhinoedd

137r

a|thỽyỻ a|brat. Talu drỽc dros da. En·rydedu enwired a
chamweithredoed. dros hegarỽch a hynaỽster aruoỻedigaeth
y diafol dros eghyl goleuat Y|brenhined a detholynt. nyt
yn herwyd duỽ namyn yr hỽn a|welhynt yn greulonaf
Ac yn|y ỻe y|rei a detholynt. a|ledynt gan ethol ereiỻ a vei
greulonach. A|phỽy bynac a vei arafach Ac ychydic nes
y garu gỽirioned. hỽnnỽ megys gelyn ynys. prydeina|distrywynt
Ac o|r diwed pop peth o|r a garei duỽ. o|gahafal vraỽt yn
ỽrthỽyneb y|gỽneynt. Onyt bot yn garedigach gan+
tunt yn* hyn a gassaei duỽ Ac veỻy y gỽneynt pop
peth o|r a vei yn ỽrthỽyneb y jechyt a heb geissaỽ dim
gan vedyc yr hoỻ jechyt A hyt nat mỽy y|gỽnaei y
dynyon byt. namyn kenuein duỽ e|hun a|e vugelyd
heb dosparth a|wneynt veỻy. Ac ỽrth hyny nyt ryfed
bot yn gas gan duỽ y|neb a wnelhei veỻy Ac ỽrth
hẏnẏ y duc duỽ y bobyl hono yr mynu dial eu syber+
wyt arnadunt ac eu dehol oc eu gỽlat Ac eissoes os
duỽ a|e gattei. teilỽg oed inni ỻafuryaỽ y geissaỽ drych+
afel y genedyl gywarsagedic ar y hen|teilygdaỽt rac
bot yn waratwyd y|r genedyl an bot ni yn ỻywodron
ỻesc na gỽallus ony lafuryem oc an hoỻ aỻu y geissaỽ eu rydhau
kanys yr vn gorhendat a vu inni an deu ỽrth hyny
diogelach ac ehofnach y|keissaf. i dy ganhorthỽy di Sef
oed hỽnỽ. Maelgỽn gỽyned goruchel vrenhin ynys. prydein.
Y|petwyryd gỽr a wledychỽys gỽedy arthur Deu vab
a vu y vael·gỽn. Run. ac einaỽn. Y|Run y bu vab beli
y veli y bu vab jago. Y jago y bu vab katuan vyn tat. i.
Einaỽn gỽedy marỽ vyn tat|i a|e vraỽt ynteu. A|deho+
let o ryfel y|saesson. Ac a deuth hyt y wlat hon. Ac y
rodes y verch y|hywel vychan brenhin y wlat hon. Mab