Breudwd Rhyddiaith Gymraeg 1300-1425
English

LlGC Llsgr. Llanstephan 4 – tudalen 6v

Chwedlau Odo

6v

ac y|m keneuin. Ac yna yr eryr a|e goỻyng+
aỽd hi y|r daear. ac o|r kỽymp hỽnnỽ yd
aeth yn dryỻeu. Veỻy ỻe bo tlaỽt kenuigen+
nus ny byd bodlaỽn ar|dim o|r hynn a
roes duỽ idaỽ. dyeithyr chỽennychu a
wna esgynnu ar esgyỻ gwynt ac adolỽyn
nerth y|r eryr. Sef yỽ hỽnnỽ y kythreul
ar|y drychafel ar gyuoeth a golut. A|phan
vedylyo ef y ystat yn|y goruchelder hỽnn
yn beriglus. gỽeỻ vydei ganthaỽ y vot
yn|y tlodi dibetrus mal yd oed gynt. ac
yn aỽr angheu y|r kythreul y oỻỽng y
gỽympaỽ ym pỽỻ uffern y ỻe nyt oes
ymwaret dyeithyr anteruynedic yr hỽnn
y|n differo ni duỽ racdaỽ. amen  
R yỽ edyn a|elwir Edyn seint Martin
a bychan yỽ aruod dryỽ yr hỽnn
a elwir ỻeuen dar. a|choesseu hiryon ys+
syd idaỽ. a threigylgweith amgylch gỽyl
martin yd oed ef yn rodyaỽ ar|hyt boly
derwen a|r heul yn|eglur disgỽyl a|oruc ar
y goesseu gan|dywedut. Owi o|r kedernyt
pei kỽympei yr awyr y|gyt y|r ỻaỽr yr
aỽr honn mi a|e kynhalỽn achlan y vyny
ar vyn|dỽy|goes; A phan yttoed ef veỻy yn
ymhoffi gan gyffroedigaeth y gỽynt ef