Breudwd Rhyddiaith Gymraeg 1300-1425
English

LlGC Llsgr. Llanstephan 4 – tudalen 53v

Purdan Padrig

53v

cnaỽt y truein dynaỽl genedyl. A
gỽedy kymerom ninneu y ffyd ef
trỽy vedyd ni a haedỽn ymchoelut
y|r wlat hon yma gỽedy an|rydha+
er o|r pechodeu a|wnelom. ac o|e hen
bechaỽt ynteu adaf. Gỽir yỽ y pe+
chỽn ni yn vynych drỽy vreuolder gỽ+
edy kymryt ffyd. a|n anghenreit ninneu
oed haedu madeueint o|n pechodeu
trỽy benyt. Y penyt amgen a gyme+
rom ni arnam kynn angheu neu
yn|y dyd diwethaf. ac na|s cỽplaom
yn|yn buched vydaỽl gỽedy yd|el yn
heneit o|n corff yn|y ỻeoed truein a we+
leist di y|n goỻyngir ni gan gỽynaỽ
poeneu herỽyd messur y cableu rei ys+
peit vechan ereiỻ a|vo hỽy. Drỽy
y ỻeoed hynny amgen y doetham ni
oỻ y|r gorffowys hỽnn ymma dieithyr
y rei a attelir ody is geneu pydeỽ
uffern. A pheunyd ef a|daỽ rei yma
gỽedy eu puraỽ. a|ninneu a|e kyme+
rỽn ỽy yn ỻawen megys y|th gymme+
rassam ditheu trỽy lewenyd o|th a+
ruthyr gerdet heb debygu dy diangk
ohonaỽ. Ny wyr neb o|r a vo yn|y poen