Breudwd Rhyddiaith Gymraeg 1300-1425
English

LlGC Llsgr. Llanstephan 4 – tudalen 12r

Chwedlau Odo

12r

hi ar lann yr auon hi a welei ryỽ ffrogy
bychan y·rỽng dỽfyr a|glanna|chyuarch
a|oruc idaỽ ac adolỽyn idaỽ y chanhorth+
ỽyaỽ drỽod os gaỻei. a|r ffrogy a dywaỽt
dyret ragot a rỽym di ỽrth vn o|m
traet i. a|mi a|nofyaf a thi drỽod. a
hynny a|oruc. a|phan yttoedynt am
hanner yr|auon eu harganuot a|oruc y
barcut. a dỽyn hỽyl a|e hysglyfyeit eỻ
deu a mynet ac ỽynt ganthaỽ. Veỻy
yn|yr vn ffunyt pan roder persondodeu a
medyant maỽr a chadỽedigaeth eneideu
y ynuyt diwybot anheilỽng. y daỽ y
kythreul y eu hysglyff* eỻ|deu. nyt amgen
y keitwat a|r plỽyf o·nyt duỽ a|e gỽeryt
R yỽ wr a|oed gynt [ ac a|e|hamdiffyn
ac a|welei ol gormes o lygoden
yn bỽyta ac yn dinustyr y gaỽs yn|y
gist. Sef a|oruc ynteu kymryt gỽrcath
maỽr a|oed idaỽ a|e ossot yn|y gist ar
vedỽl cadỽ y kaỽs. Sef a|wnaeth y cath
ỻad y ỻygoden a bỽyta y kaỽs yn ỻỽyr.
Yn vn ffunyt a hynny y gỽna yr esgyb
roi kadỽedigaeth eneideu ac ysprydaỽl
vedyant y amryuaelyon offeireit. a gos+
sot archdiagon creulaỽn kyuoethaỽc