Breudwd Rhyddiaith Gymraeg 1300-1425
English

LlGC Llsgr. Llanstephan 27 (Llyfr Coch Talgarth) – tudalen 8v

Ystoria Lucidar

8v

a phei kymerei ef bechadur o|dyn yn|diboen y ogonyant. a
bỽrỽ ohonaỽ angel o|e achaỽs vn medỽl yng|kyfyrgoỻ ang+
kyfyaỽn vydei yr hynn ny aỻei vot. ac nyt edewit dim yn
teyrnas nef heb y lunyaethu. ac ỽrth hynny dylyedus vu
boeni pechadur. kanny dodei neb yn|y drysor gem wedy dy+
gỽydei yn|y tom yny glanhaei yn gyntaf. discipulus Beth a|daruu
yn|y diwed idaỽ ef. Magister Kilyaỽ a|oruc ac megys gỽas ffoaỽdyr
a|da y arglwyd ganthaỽ yn ỻetrat hyt att vrenhin creula+
ỽn. Yna yd anuonet mab y brenhin o|r ỻys anrydedus yn
ol y gỽas aỻtut. ac y ostỽng y brenhin creulaỽn. ac y|dỽ+
yn y gỽas ffoaỽdyr drachevyn. a|r da yn ewyỻys y brenhin.
discipulus Paham y gaỻaỽd dyn ymchoelut gỽedy y kỽympyei.
Magister Megys y dygỽydaỽd ef drỽy araỻ ac nyt trỽydaỽ e|hun.
veỻy y bu deilỽng idaỽ ynteu pryt na aỻei gyfodi. ac ef
yn|y vynnu trỽy ganhorthỽy araỻ. discipulus Paham nat anuo+
nes duỽ angel y brynu dyn. Magister Pei angel a|brynei dyn ef
a|vydei was dyn idaỽ. a|dylyedus vu etvryt dyn ual y bydei
gyffelyb y|r engylyon. a gỽann hevyt oed anyan angel y bry+
nu dyn. ac o|chymerei gnaỽt dyn gỽannach vydei. discipulus Pa+
ham na wnaeth ynteu dyn araỻ o|r daear yn ỻe adaf. Magister
Pei gỽnelei duỽ dyn araỻ o|r|daear. a|e roi yn|y ỻe y perth+
ynei arnaỽ brynu etiued adaf. a|dylyet oed vot o|e gened+
yl e|hun a|wnelei iaỽn drostaỽ. discipulus Paham nat anuones
ynteu badriarch neu broffwyt. Magister Y padrieirch a|r pro+
ffỽydi a gahat ac a|anet ym|pechodeu. ac ỽrth hynny ny
eỻynt ỽy brynu kenedyl·dyn. ac nyt reit eu prynu ỽyn+
teu. ac am na|dylyaỽd angel brynu dyn. ac na aỻei dyn