Breudwd Rhyddiaith Gymraeg 1300-1425
English

LlGC Llsgr. Llanstephan 27 (Llyfr Coch Talgarth) – tudalen 8r

Ystoria Lucidar

8r

y was wneuthur ryỽ weith. ac erchi idaỽ ymoglyt y ffos. ac y+
na tremygu ohonaỽ ynteu orchymun y arglỽyd. a|dygỽyda
o|e vod yn|y ffos. ac adaỽ y gỽeith yn anorffen. veỻy y goruc
adaf. tremygu duỽ ac adaỽ gỽeith ufuddaỽt ẏ dygỽydaỽ yn
ffos angeu. discipulus Pa wed y bu reit idaỽ ef ymchoelut. Magister Ef a
dywaỽt talu ohonaỽ drachevyn yr anryded a|duc y gan
duỽ. a gỽneuthur iaỽn dros y pechaỽt a wnathoed. kanys
kyfyaỽn yỽ y|r neb a|dycko da araỻ y eturyt idaỽ drachefyn
a gỽneuthur iaỽn idaỽ hevyt dros y sarhaet. discipulus Beth a|duc
ef y gan duỽ. Magister Kỽbyl o|r a vynnassei y wneuthur am y ge+
nedyl ef. discipulus Pa wed y talaỽd ynteu yr anryded a|duc. Magister Gor+
chyfygu kythreul megys y gorchyfygaỽd y kythreul ynteu.
a|e dwyn ac ef a|etiued y|r vuched yn vn ffunyt. a phei trigy+
assynt yn eu hansaỽd. discipulus Pa wed y gỽnaeth ef iaỽn am
wneuthur ohonaỽ bechaỽt mỽy no|r hoỻ vyt. Magister Ynteu a|da+
laỽd drostaỽ ef mỽy no|r byt oỻ. Ny aỻei ef wneuthur yr
vn o hynny. ac am hynny yd aeth ynteu y angeu. discipulus Pa+
ham na diuawyt ynteu yna o gỽbyl. Magister Ny aỻwyt sym+
mudaỽ gossotedigaetheu duỽ. kanys o genedyl adaf yd
aruaethaỽd ef gỽplau rif yr etholedigyon. discipulus Beth a|wna+
eth ynteu am dỽyn ohonaỽ y gan duỽ y enryded heb y dalu.
Magister|Yna y bỽrywyt ynteu ym poeneu. discipulus Ae anryded gan duỽ
poeni dyn. neu pa wed y mae. Magister am tremygu ohonaỽ me+
lyster y tat yn|y gogonyant. am hynny y symudaỽd ynteu
megys gỽas gỽrthgas y vot ef yn duỽ pan boenet. discipulus Paham
na madeuei duỽ idaỽ ynteu ac ef yn|drugaraỽc yr hynn
ny aỻei y dalu. Magister Pei as|gỽnelei ef a|dywedit y vot yn anaỻu+
aỽc.