Breudwd Rhyddiaith Gymraeg 1300-1425
English

LlGC Llsgr. Llanstephan 27 (Llyfr Coch Talgarth) – tudalen 81r

Ystoria Adda

81r

o achaỽs oleu yn traet ni y rei a|ynt sathredic etto. kany
orỻỽydyaỽd ỻysseu nac irder araỻ yno gỽedy hynny. o a+
chaỽs butret yn pechodeu ni vi a|th uam di hyt na thyf+
aỽd ỻysseu yn|y ỻe y bu yn traet ni yn sathru. vn peth ha+
gen a|dywedaf|i. o|r byd arnat ovyn. arwydockaa di rac dy
vronn y|th dal o|r ỻythyren a|elwir teca. ac o|r pan aeth ef y
ỽrth y dat. y dyffryn a gerdaỽd yny gafas y fford yr honn
a|e|tywyssyaỽd ef yn iaỽn hyt ym|paradwys ual y mynna+
ỽd duỽ. A gỽedy y vynet yn uchel ef a|gymerth ovyn o
achaỽs echtywynnedigrỽyd paradỽys yny gredei ef vot
yno ỻosgedigaeth tan. Ac yna yd arỽydockaaỽd ef y dal o|r
ỻythyren. ac yn diogel yd aeth hyt att yr angel cherubin.
a|govyn a|oruc yr angel idaỽ pa achaỽs y dathoed yno. ac
ynteu a|e hattebaỽd ef. vyn|tat i adaf yr hỽnn yssyd yn hen+
hau yn gymeint. a bot yn vlin ganthaỽ y vyỽ yn gyhyt ac
y mae. a|m hanuones i yma. hyt pan vo tydi a|anuono yn  ̷
hyspys am y|drugared a|edewis duỽ idaỽ. Yna y dywaỽt yr
angel. dos hyt yn|drỽs parth paradỽys. ac edrych di yn ys+
tyryaỽl y myỽn pa ryỽ·beth a|welych yno. ac ynteu a|aeth.
ac ef a|weles yno y myỽn y veint o|degỽch o amryuaelyon
vlodeuoed a ff˄rỽytheu. a ỻysseuoed a|gỽyd hyt na eỻynt
mil o dauodeu eu datkanu. Yd oedynt yno ffrydyeu a meys+
syd. a phob ryỽ gerdeu a defnydyeu yny adaỽd ef heb gof
y neges a·chaỽs digrifỽch y ỻe a|e degỽch. ac odyna ef a e+
drychaỽd racdaỽ. ac a|weles yn ryỽ·le ym paradỽys ffynna+
ỽn. o|r honn yd yttoedynt pedeir auon o|e phedeir congyl. y rei
a arỽyrynt yr hoỻ vyt. Enỽeu y pedeir auon hynny ynt.