Breudwd Rhyddiaith Gymraeg 1300-1425
English

LlGC Llsgr. Llanstephan 27 (Llyfr Coch Talgarth) – tudalen 7r

Ystoria Lucidar

7r

tan yssyd yng|kylch paradỽys yr pan bechỽyt yndi hyt hediỽ.
Y cherubẏn yỽ engylyaỽl geitwadaeth megys tan. discipulus Pa le yd
aeth adaf yna. Magister Y ebron yd ymchoelaỽd y|r ỻe y gỽnaethpỽyt
ac yno y creaỽd ynteu veibyon. ac yno y ỻadaỽd cain abel y
vraỽt. ac y bu adaf yna heb achaỽs idaỽ ac eua gan mlyned.
ac y ganet seth yn|ỻe abel. ac o|etiued hỽnnỽ y ganet crist. a
mi a|vanagaf ytti o amser adaf hyt ar noe. na|bu dafyn glaỽ.
ac na bu enuys. ac na bỽytaei dynyon gic. ac nat yfynt win.
a phob amser a|oed megys gỽannwyn. ac amylder o|bop ryỽ
da. a gỽedy hynny y symutwyt pob peth o achaỽs pechodeu y
dynyon. discipulus Pa bechaỽt a|wnaeth adaf pan yrrwyt o baradỽys.
Magister Chwennychu a|wnaeth bot megys duỽ. ac ỽrth hynny yn
erbyn y gorchymun y bỽyttaaỽd o|r prenn gỽahardedic. discipulus
Pa|drỽc oed vỽyta aual. Magister Kymeint vu hynny o bechaỽt ac
na aỻei yr hoỻ vyt wneuthur iaỽn drostaỽ. kanys dyn ˄a dyly+
ei vot yn vfud y vedyant duỽ ac y ewyỻys. a mỽy yỽ ewyỻys
duỽ no|r hoỻ vyt. kanys pei safut ti geyr bronn du   a dyỽ  ̷ ̷+
edut o dyn ỽrthyt y difflannei y byt oỻ onyt edrych  ut
drachevyn. a dywedut o duỽ yna ỽrthyt. ny mynnaf|edr
edrych ohonat ti drachefyn. namyn edrych arnaf   ny
dylyut ti tremygu duỽ yr|hỽnn yssyd lewenyd y dy  ny+
on ac y engylyon. yr rydit y|r byt tranghedic. a|hyn  ny
a|wnaeth adaf. sefyỻ geyr bronn duỽ. a|r kythreul   yn
galỽ arnaỽ. Edrych a|oruc ynteu dra|e|gevyn. ac ỽrth   hyn+
ny mỽy vu y pechaỽt hỽnnỽ ry wnaeth ef. noc y gaỻei
yr hoỻ vyt y diwygu. kanys am wneuthur ohonaỽ ef y
chwech pechaỽt marỽaỽl yn yr vn aỽr. a m hynny y treiglaỽd