Breudwd Rhyddiaith Gymraeg 1300-1425
English

LlGC Llsgr. Llanstephan 27 (Llyfr Coch Talgarth) – tudalen 61r

Ystoria Adrian ac Ipotis

61r

duỽ. ac ony chyffessant y glythineb a|orugant yng|katkoreu a
miuiliaeu. a chynn offeren duỽ sul. a|gỽylyeu arbennic ỽynt
a gaffant sỽydeu yn uffern. Pa beth heb yr amheraỽdyr a
rỽystra y dyn wneuthur penyt a|bot unolyaeth y·ryngthaỽ
a|n iachỽyaỽdyr ni. Y mab a|dywaỽt mae pedwar achaỽs.
Nyt amgen. ỻesged. anobeith. kewilyd. Pedweryd yỽ na
chrettei vot duỽ hoỻ·gyuoethaỽc mor drugaraỽc ac y|mae
kanys o|r kyffessa dyn yn ỻỽyr gỽbyl o|e bechodeu. ny dial
duỽ y weithret kyssuledic arnaỽ. Yr amheraỽdyr a|ovynnaỽd
y|r mab. pa|beth vỽyaf a|dỽc dyn y lewenyd nef. Geir da
kywir heb y mab. a medỽl kyfyaỽn a gỽeithret da adna+
bydus. ac ny wnaethpỽyt gỽeithret da eiryoet. ny bei ue+
dỽl da ar y dechreu. na gỽeithret drỽc eiryoet heb uedỽl drỽc
ar y|dechreu. pỽy bynnac a uedo geir tec. ef a|dichaỽn o|e
synnỽy* o|e alon gỽneuthur idaỽ gedymdeithyon. veỻy o
un gỽeithret gobrỽyaỽl y dichaỽn dyn enniỻ trugared nef.
Pa saỽl angeu a|daỽ y dyn. Tri heb y mab. a|chyntaf o+
nadunt yỽ angeu bydaỽl knaỽtaỽl. a hỽnnỽ a|wahana y
corff a|r eneit yn gadarn. ac yn ffyryf. Yr eil yỽ angeu ke+
wilydyus. sef yỽ hỽnnỽ. dyn a|vo marỽ y myỽn dylyet go+
vidyus neu honnedigaeth drỽc goualus trỽy ogan. Trydyd
angeu yỽ. yr hỽnn a|del y|r neb ny chaffo kyfran o weith+
redoed iessu grist kynn|gỽahanu y eneit a|e gorff o|r byt hỽnn.
Yna y gouynnaỽd yr amheraỽdyr y|r mab. pa saỽl pecha+
ỽt heb eu kyffessu a|dỽc dyn heb gael madeueint nefaỽl
am·danunt. Deu bechaỽt. vn ohonunt yỽ cam·gret. me+
gys na chrettei dyn yn ffydlaỽn disgyn iessu grist y|mru