LlGC Llsgr. Llanstephan 27 (Llyfr Coch Talgarth) – tudalen 34v
Ymborth yr Enaid
34v
mab ytt. ac yn|y ỻe nachaf y gỽelei yn disgleirlathyr eglurlo+
eỽ oleuni paladyr ar eilun mab dyn anueidraỽl diuessur
dragywydolder ser maỽred eglurder y berffeith·laỽn degỽch
megys yn oet deudengmlỽyd. ual yd oed y gỽynuydic arglỽyd
iessu grist yn|yr amser y dechreuaỽd dysgu yn|y demyl. ac yn ̷
mynych wanegu amrauael disgleirder tegỽch karueidserch
o|e bevyr·loeỽgochyon ganheitlỽyssyon deurud. hyt nat oed
neb·ryỽ greadur o|r a|e gỽelei. a aỻei arnaỽ na syrthyei yn|y
uarỽ·lewyc o draserch a|thra|diruaỽr garyat ar y perffeith+
gỽbyl anrydedus dỽywaỽl degỽch hỽnnỽ. ac nyt ryued. ka ̷+
nys tragywydaỽl uuched ac an·orffen vywyt anheruynedic
yỽ edrych ar y dwyỽaỽl deilyngserch wyneb hỽnnỽ. a chynny
aỻei neb·ryỽ greadur gynnal yn|y gof na|e uedỽl milcan ̷+
uet rann disgleirder yr eiryan·lathyr degỽch a|oed arnaỽ. Eis+
syoes kymmeint ac a|aỻaỽd y braỽt y gynnal ganthaỽ ef yn
y vedỽl o adurnbryt y nefaỽluab hỽnnỽ a|e arderchaỽclun. ỻym ̷+
ma yỽ hyt y gaỻaỽd ef hynny o|e gynnal. ~ ~ ~ ~ ~ ~
Y Mab. mab melynwynn adueindỽf oed ual yn oet deu+
dengmlỽyd. ac yn gymhedraỽl y dỽf a|dyat y gorff o
hyt a|phraffter ỽrth y oet. Penn gogyngrỽn gỽedeid oed idaỽ.
a gỽaỻt penn·grychlathyr pevyrloeỽ eureit uelynỻiỽ arnaỽ
yn vn|ffunyt a phei geỻit ỻunyaỽ neu vedylyaỽ dỽy ysgubeỻ
o|van adaued. neu van gasnot o eur trinaỽ·taỽd. a hynny me ̷+
gys ar vỽy no rychwant o bop tu y|r deu wyneb glaerwynnyon.
a thorryat pedaỽlffuryf ar y gỽaỻt ar y|dal. ac yn gyfuch ac
y gỽelit ỻawer o|r clusteu. torryat y gỽaỻt ar ystlysseu y benn
ac ar y gỽegyl yn arwein ardyrchafyat croket wedeidlỽys. a|r
| « p 34r | p 35r » |