Breudwd Rhyddiaith Gymraeg 1300-1425
English

LlGC Llsgr. Llanstephan 27 (Llyfr Coch Talgarth) – tudalen 2v

Ystoria Lucidar

2v

y dyweit dauid broffỽyt. Ef a|wnaeth y nef a|e dal yr heul. A|r ỻoer a|r
syr a|synnyant. kanys ỽynt a|gatwant ac a|deuant drachevyn
y eu kỽrs ˄ac y eu redec. Y daear a synnya. kanys hi a|dỽc y ffrỽy+
theu a|e gỽreidyeu yn wastat ac yn amseraỽl. Yr avonyd a|e
synnya. kanys ỽynt a|ymchoelant drachefyn y|r ỻe y ỻithront
o·honaỽ. Y mor a|r gỽynnyoed a|e synnyant. kanys ỽynt a|v+
vudhaant idaỽ. ac a|orffowyssant pan y harcho udunt yn|dian+
not. Y meirỽ a|e synnyant. kanys pan y harcho udunt ỽynt
a gyfodant. Vffern a synnya. kanys y rei a|lyngko a atuera
drachefyn pan y harcho udunt. Yr hoỻ aniueilyeit a|e synny+
ant. kanys ỽynt a gatwant y gyfreith a|orchymynnaỽd ef u+
dunt. discipulus Pa ryỽ·beth a|dywedir. ef a|wnaethpwyt y gosper a|r
bore. Magister Y gosper yỽ diwed y peth a orffenner. a|r bore yỽ y dech+
reu. discipulus Dywet athro val y bo amlygach. Magister Yn gyntaf y gos+
sodes duỽ megys brenhin kyfoethaỽc llys arderchaỽc idaỽ a
elwir teyrnas nef. odyna nyt amgen y byt hỽnn. ac yndaỽ
ynteu ỻe angheuaỽl. Sef yỽ hỽnnỽ. uffern. ac y|r ỻys honno y
rac·weles ef anuon rif hyspys o etholedigyon. a hynny o
engylyon a|dynyon. Nyt amgen y naỽ·rad o|dynyonengylyon. a|r dec+
uet o|r dynyon. discipulus Paham y gỽnaeth ef y naỽ o|r engylyon.
Magister O achaỽs y drindaỽt. kanys yn|y naỽ y byd tri deirgỽeith.
a dyn o vn rad. o achaỽs unolder. megys yd adoler ef yn vn
ac yn|dri y gan yr engylyon a|r dynyon. discipulus Paham nat o|r eng+
ylyon e|hun y gỽnaeth ef rif y etholedigyon. Magister Deu ryỽ natur
yn bennaf a|oruc duỽ. vn ysprydaỽl ac araỻ corfforaỽl. Sef y
mynnaỽd ef y bop vn y voli. Nyt amgen o|r ysprydaỽl megys
o|r engylyon. pan dywetpỽyt. bit y goleuni. ac y|gỽnaethpỽyt