Breudwd Rhyddiaith Gymraeg 1300-1425
English

LlGC Llsgr. Llanstephan 27 (Llyfr Coch Talgarth) – tudalen 24v

Ystoria Lucidar

24v

ar|duỽ. a chedymdeithyas yr engylyon. discipulus O anryded y seint. Magister
Anryded iosep a vydei ammarch ganthunt ỽy. discipulus Owi o|r
anryded a|gaffant ỽy pan vo duỽ e|hun yn eu|hanrydedu me+
gys y veibyon. a|r engylyon yn eu perchi megys tywyssogyon
a|r hoỻ seint yn eu hanrydedu megys dwyweu. Magister Dylyet yỽ
ar duỽ peri hynny udunt ỽy. kanys ỻunyeithaỽd wneuthur
hynny ohonunt. ac ỽynteu a|obeithassant yndaỽ ef oc|eu hoỻ
lauur. Dylyet yỽ hynny heuyt ar yr hoỻ seint. Kanys kym+
merassant y dwy|wisc a|hynny ar eu kanuet. Y nef a|r daear
heuyt a|e dyly. kanys ỽynt a|symudir yn ansaỽd arderchaỽc
a|hynny yr gobrỽyeu udunt. discipulus O diogelrỽyd y seint. Magister Dio+
gelrỽyd eli ac enoc. goual ac ovyn vydei hynny ganthunt
ỽy. Kanys kyn|diogelet yỽ udunt ac nat oes arnunt ovyn ang+
eu na dryc·dynghet. ac nyt aryneigyant vyth coỻi yr hynn
a|dywetpwyt uchot oỻ. kannys dỽc duỽ y ganthunt. ac ỽyn+
teu yn garueidyaf veibyon idaỽ ef. ac ny aỻant ỽynteu
vyth y goỻi. ac ỽrth hynny ny|s coỻant. discipulus O gyflaỽn lewe+
nyd y seint. Magister ewenyd dyn a|dyckit y grocwyd a|e wneuthur
yna yn vrenhin. tristit vydei hynny ganthunt ỽy. discipulus Pa ryỽ
lewenyd a|gaffant ỽy. ac ỽynt yn caffel mynet yn ỻewenyd
y|r arglỽyd. Magister Owi duỽ o|r ỻewenyd a gaffant ỽy pan welont
y|tat yn|y mab. a|r geir yn|y tat. a|r caryat yn|yr yspryt glan
ym|pob vn ohonunt wyneb yn wyneb yn|dibryder vyth. e+
wenyd a|gaffant o gedymdeithyas yr hoỻ seint. ac o daeoni
yr arglỽyd o vyỽn ac odieith·yr. y arnunt ac y|danunt ac
yn eu kylch ac o|bop parth udunt. a gỽelet eu kedymdeithy+
on yn amyl udunt o bop ryỽ digrifỽch a|drythyỻỽch. a hỽnnỽ