Breudwd Rhyddiaith Gymraeg 1300-1425
English

LlGC Llsgr. Llanstephan 27 (Llyfr Coch Talgarth) – tudalen 21r

Ystoria Lucidar

21r

discipulus Owi o|r|digrifỽch. kyn|digrifet yỽ gennyf|i dy ymadrodyon di.
a|phob ryỽ olut. ef a|welit y minneu pei|eidaỽ dyn vei rei ˄o hyn+
ny. ny dywedaf inneu am gỽbyl o·honunt. y bydei deilyngach ef
no|r hoỻ vyt. o bydei eidaỽ ynteu hynny o gỽbyl. ef a welit y vot
yn|duỽ. Magister Jaỽn y berny di hynny. discipulus O degỽch y seint manac
ym. Magister Mỽy lawer yỽ eu ragor ỽy no|hynny. Tegỽch absalon
a|vydei dybrydỽch maỽr yno. kanys eu|tegỽch ỽy a vyd megys e  ̷+
glurder yr heul. megys y|dywedir. Y rei gỽirion a|disgleiryant
megys heul. a|r heul yna a|vyd tegach seith·weith noc yr aỽr+
honn. megys y dywedir udunt. Duỽ med ef a|atnewyda corff
yn uvuddaỽt ni yn|gyffelyb y eglurder. ac nac amheuet neb
uot yn tegach corff crist no|r|heul. kanys tegach yỽ corff y cre+
aỽdyr no|r creadur. a|dynyon a|dywedir eu bot yn demyl y|duỽ
ac ny dywedir vot yr|heul ueỻy. ỽrth hynny y|byd y seint yn gorff
eglurder crist yr hỽnn yssyd loewach no|r heul. a|duỽ yn pressỽyly  ̷+
aỽ yndunt megys y myỽn temloed. yn vỽy eu tegỽch a|e gogo+
nyant no|r heul. a ỻyna pa ryỽ tegỽch yỽ vn y seint. discipulus O vuander
y seint. Magister Buander assael. ỻesged a|hỽyrdra vydei hynn·y yno.
kanys kyn vuanet vydant ỽy ac y tywynha paladyr yr|heul
o|r dwyrein y|r gorỻewin. neu o|r gorỻewin y|r dwyrein drachevyn.
neu y gaỻo ỻygat edrych y|r|awyr y vyny. kyn ebrỽydet a|hynny
y|dichaỽn y seint vynet o|r daear hyt yng|goruchelder nef. ac
o|r nef drachevyn hyt y daear. a|hynny a|dichaỽn y|r engylyon
y|wneuthur. ac ỽynteu yna a|vydant gyffelyb y|r engylyon.
a|ỻyna y ryỽ vuander yỽ vn y seint. discipulus O gedernit y seint.
Kedernit sampson a vydei wander yno. kanys kyn gadarn+
et vydant ac y geỻynt y daear a blaen eu troet pei as myn  ̷+
nynt.