Breudwd Rhyddiaith Gymraeg 1300-1425
English

LlGC Llsgr. Llanstephan 27 (Llyfr Coch Talgarth) – tudalen 17v

Ystoria Lucidar

17v

hynny. hoedyl hir a|rodir y|r rei gỽirion y achwennakau eu
gobrỽyeu. ac y ymchoelut ỻawer onadunt ar da drỽy angkre+
ifftyeu. a|r rei drỽc a|dygir o|e poeni y vot eryneic ar yr ethole+
digyon yssyd ar|gyfeilyorn ac o|e dwyn y|r iaỽn. Y neb ny chaffo
gỽrthỽyneb ac ef yma. diryeitaf dynyon ynt. y rei a|gaffont
y byt hỽnn ỽrth eu kyngor a|e hewyỻys o|bop peth heb ỽrthỽy+
nebed udunt. vn ffunyt yd ys yn meithryn y rei hynny a sych
wyd* ỽrth eu rodi ar y tan. ac yng|gỽrthỽyneb y hynny. detwyd+
af dynyon ynt y rei a|waharder eu hewyỻys racdunt yma.
ac a gyfarffo govit ỻawer ac ỽynt. kanys y rei hynny megys
meibyon yn ol eu gỽareu ffynn. a|dygir y|r deyrnas megys y dy+
wedir. Duỽ a|gospa pob mab o|r a|gymero ef. a gỽybyd di kyt
kaffo y rei drỽc goron brenhinyaeth yma. anghenogyon vydant
o gỽbyl rac ỻaỽ. ac ny bydant heb poeneu arnunt yn wastat
yn|y byt hỽnn. discipulus Yr karyat duỽ par ym glywet hynny yn am  ̷+
lygach. Magister Y rei drỽc yssyd dlodyon yn wastat am vot bar duỽ
arnadunt. ac na mynnant da. ac ỽrth hynny ny|s gaỻant. drỽc
hagen a|vynnant ỽy ac a|aỻant. ac ef a|brofet uchot am drỽc nat
dim. ỽrth hynny diogel yỽ nat oes dim ar eu helỽ. Ny bydant
ỽynteu vyth heb poeneu arnadunt. Kanys eu kytwybot creu+
laỽn yssyd yn eu ỻosgi. Penytyaỽl ovyn yn eu goualu rac eu
dala ac rac eu ỻad. ac rac dwyn eu da. odyna y dywedir am+
danunt. Nyt oes dangnefed med yr arglỽyd y|r rei enwir.
Yng|gỽrthỽyneb y rei gỽirion yssyd gyfoethaỽc. Kanys rat
duỽ yssyd y·gyt ac ỽynt. a|da a|vynnant ac a|aỻant. ac ym+
wrthot a|r|drỽc a|wnant. Ny bydant heb obrỽy vyth. kanys
diovyn vydant a|ỻawen o hyspysrỽyd rydit rac ỻaỽ. Odyna