LlGC Llsgr. Llanstephan 27 (Llyfr Coch Talgarth) – tudalen 174v
Gwyrtheu Mair
174v
assanaethu duỽ. A phan gyffroet y vryt ef o bleit kythr+
eul. ac o|yspryt gorwacclot. yny oed anreithedic ef o|e
synnỽyr o gỽbyl. ual y bu dir idaỽ o eisseu y bỽyỻ
ym·adolỽyn a chanhorthỽy dryc·yspryt. kanys yn|y
dywededic dinas yd oed gỽr o genedyl efrei. ac a|oed yn
aruer o rinyeu a|chyfarỽydoneu o nigromans. A ph+
arth a|thy hỽnnỽ y doeth teophilus yn|fflemychedic o
dan kebydyaeth ac enwired am hanner nos. A gỽedy
y dyuot y myỽn. dygỽydaỽ yn|y orwed dan draet yr ys ̷+
gymun. a|dywedut idaỽ y vot yn godef cam·vraỽt y
gan yr esgob. Ac ynteu a orchymynnaỽd y teophilus dy+
uot trannoeth ucher yn yr vn aỽr honno y gymryt y
ganhorthỽy ef a|e gyngor am y adolỽyn. a hynny a|oruc
teophilus yn ỻawen. a|gỽedy y|dỽyn ef o|r ysgymun yng+
kylch y dinas. ef a|erchis idaỽ y ryỽ dysc hỽnn. Edrych
na bo ovyn arnat. ac nat ymgroessych yr a|welych nac
yr a|glywych. ac yna y ducpỽyt teophilus druan hyt ar vyd+
in o dieuyl. ac ym|perued y rei hynny yd oed sathan yn
eisted. ac y draet hỽnnỽ y|dygỽydaỽd teophilus yn ufud dares+
tyngedic yn|y orwed y adolỽyn y ganhorthỽy am gaffel gor+
wacter y goỻedic wassanaeth a|e enryded gan adaỽ o·honaỽ
ynteu cỽplau kymeint ac a archei y kythreul idaỽ. Ac yna
edrych a|oruc y kythreul ar y|gedymdeith y gỽr o efrei. a dywe+
dut ỽrthaỽ. Os yr hỽnn a|dugost di a vynny y vot yn was
ymi. mi a vynnaf ymdiwat o·honaỽ a christ arglỽyd ac a
meir y vam. kanys gelynyaeth yssyd y·rof|i ac ỽynt. ac ueỻy
minneu a|e kanhorthỽyaf ef. ual y dyrchafer y rad a vo uch
| « p 174r | p 175r » |