Breudwd Rhyddiaith Gymraeg 1300-1425
English

LlGC Llsgr. Llanstephan 27 (Llyfr Coch Talgarth) – tudalen 169r

Cynghorau Catwn

169r

yn|advỽyn. Wrth hynny dysc. a|dot y|th vryt cadỽ y gorchym+
mynneu hynn. ac na pheit a|dyscu. kanys bywyt yỽ. a bot
heb dyscu megys delỽ angeu yỽ. Os vyng|kynghoreu i
a|m gorchymynneu a|wney di. kymỽynasseu maỽr a geffy.
Ony|wybydy di y rei hynn a|bot ỽrthunt. na cheryd di vy+
ui. namyn keryd dy ysgaelusrỽyd dy hun. O|r byd da dy
uuched bythaỽr ytt o|ogan drỽc. kanys ny eỻy di ludyas
y baỽp dywedut. Pan yth dycker yn dysc ar dyn neu ar
dynyon am eu buched. kel di eu beieu ỽy yn oreu ac y
geỻych heb goỻet na phechaỽt ytty hun. Mogel rac geireu
tec gỽenyeithus. kanys clot yỽ dywedut gỽirioned. tỽyỻ
hagen yỽ ymadraỽd dechymegedic. Gỽagel rac ỻesged
kanys gorwac uedỽl a|dreulya y corff yn over. Gỽna bop
peth o|r a|wnelych drỽy lewenyd. mal y|bo ysgaỽnach gen+
nyt dy lauur. Na|chapla na geir na gỽeithret araỻ. ual
na wattwaro araỻ ditheu am y kyffelyb amser araỻ.
Beth bynnac a|roder ytt yn|y byt. gỽybyd mae yr haedu
clot ac alussen ytt y rodet. ac am hynny na chỽenycha
ditheu y da hỽnnỽ val y coỻych dy glot o|e achaỽs.