Breudwd Rhyddiaith Gymraeg 1300-1425
English

LlGC Llsgr. Llanstephan 27 (Llyfr Coch Talgarth) – tudalen 168v

Cynghorau Catwn

168v

gorf y vedic fydlaỽn. veỻy adef dy gyfrinach y gedymdeith taỽ+
el fydlaỽn. Na vit vlỽng gennyt na cheffych yn rỽyd gỽneu+
thur gỽeithretoed ennwir. kanys y rei drỽc ennwir a gymer+
th tynghetuenneu yr drỽc udunt pan elynt o|r byt hỽnn. A|r
neb y mae bodlaỽn duỽ idaỽ a|geiff gras y gan duỽ. Mogel
rac argywedu y|th eneit. kanys o|r eneit y mae amgeled
duỽ. ac ef yssyd barhaus. Edrych y damchweineu a|delont
rac·ỻaỽ y|th erbyn. kanys ỻei y|th godant o|r gỽybydy pan
delont. Na|dot dy vryt ym|petheu a vont afles yt rac·ỻaỽ.
kanys gỽdost nat edewis duỽ dyn yn|y byt hỽnn eiryoet.
Gỽna yr hynn a vo adas ytt a|goreu yn|y byt ar dy les. ka+
nys kyt boet blewaỽc y tal yr aỽrhonn. mogel ef a|uyd y gỽ+
egil amser araỻ. Kystal yỽ hynny a|dywedut. kyt boet go+
symdeith ytt yr aỽrhonn ny wdost pa|hyt y para. Pan vo
y|th vryt wneuthur peth. medylya beth a|del rac·ỻaỽ o hyn+
ny ae da ae drỽc. a cheis erbyn duỽ yr hỽnn a edrych o bop
tu idaỽ. Ym·arbet yn vynych o|th gorff rac dryc·ewyỻys
a phechaỽt. kanys ỻawer a dylyir y wneuthur tu ac att
Jechyt yr eneit. a|bychydic tu a|dryc·ewyỻys y corff. Na che+
is dy hun o|th dremic a|th gam·varn. gỽrthỽynebu yr hoỻ bo+
byl. ac na choỻ lawer o bobyl yr vn dyn. Na chapla yr am+
seroed gan dywedut na chefeist o enkyt wneuthur ỻes
dy eneit. kanys pennaf goual yỽ ytt hỽnnỽ. Na|chret
vreudỽyty·on. kanys y peth y bo bryt dyn a|e vedỽl arnaỽ
o·dieithyr y|hun. hynny a|wyl drỽy y hun. Pa|darỻeaỽdy˄r
bynnac a uynno adnabot gỽerseu neu astutyaỽ ỻyfreu.
darỻeet y gorchymynneu hynn. kanys goreu ynt y vuche+
dokau