Breudwd Rhyddiaith Gymraeg 1300-1425
English

LlGC Llsgr. Llanstephan 27 (Llyfr Coch Talgarth) – tudalen 15v

Ystoria Lucidar

15v

bo golỽc. a|thywyỻỽch yn|y ỻe ny bo goleuni. veỻy y byd drỽc
yn|y ỻe ny bo da. kannyt yttynt aỻu. kanys tri pheth yssyd.
creadur. a natur. a gỽeithret creadur. megys y defnydyeu.
Natur yỽ megys yr|hynn a|del y ganthunt ỽynteu. Gweith+
ret megys yr hynn a|wnel dyn. neu a odefo dyn neu angel.
ỽynt a|wnant pechodeu. ac a odefant boeneu pechodeu. hyn+
ny ny|s gỽnaeth duỽ. ynteu hagen a|e gadaỽd megys y dyw+
edir. Ny wnaeth duỽ angeu. ac nyt oed dim o|bechaỽt o+
nyt na wneler y gorchymyn. neu wneuthur yn erbyn y
gorchymyn. Sef yỽ y drỽc na chaffer da. Sef yỽ hynny ỻew+
enyd. a theilỽng yỽ kyfyrgoỻi y neb ny rodo duỽ lewenyd u  ̷+
dunt. Sef ynt y rei hynny y neb ny wnel yr hynn a|orch+
ymynner udunt. neu a|wnelont yn erbyn yr hynn a or+
chymynner udunt. discipulus Pỽy ynteu yssyd aỽdur y bechaỽt.
Magister Y dyn e|hun. a diaỽl yn annogỽr idaỽ. discipulus Ae gorthrỽm pe  ̷+
chaỽt. Magister Pechaỽt dan wybot y vot yn bechaỽt ys|trymach
no|r hoỻ vyt. a pheth bynnac o|drỽc neu o bechaỽt a|wneler
ef a|drossir o gỽbyl ar volyant y duỽ. discipulus Ponyt drỽc ỻad kele+
in neu odineb. Magister Da yỽ ỻad kelein lawer gỽeith. megys y
bu da ỻad o|dauyd y kaỽr. neu lad o iudith o|loffernus. discipulus
Paham y mae drỽc ynteu pan lader. Magister O dryc·anyan
y mae drỽc. Priodas gyfyaỽn da yỽ. Godineb hagen yn er+
byn kanyat drỽc yỽ. ac am eu dial trỽy gyfyaỽnder y tros+
sir ỽynt ar volyant y duỽ. a megys y molir arglỽyd a|dalo
eu ỻafur y varchogyon. mỽy y molir o|diua yr herwyr a|r
ỻadron. ỽrth hynny. gogonedus yỽ duỽ o iachau y rei gỽ+
irion. a molyannus yỽ o gyfyrgoỻi y rei ennwir. ysgriuen+