Breudwd Rhyddiaith Gymraeg 1300-1425
English

LlGC Llsgr. Llanstephan 27 (Llyfr Coch Talgarth) – tudalen 159v

Gwaeau, Y Pethau ni thalant ddim

159v

Gỽae ef dyn a varno yn iaỽn y ereiỻ. ac nat ystyrya yn|y gytwy+
bot. am y varn a|dylyo e|hun. Gỽae ef dyn a vo offeiryat ny ch+
ospo y blỽyf. ac ynteu yn kymryt rodyon y ganthunt ỽy.
Gỽae ef dyn a vei vrenhin enwir yn poeni ereiỻ. ac na aỻo
goruot y wir dylyet. Gỽae ef dyn a|wassanaethei myỽn yma+
drodyon. ac a|dremyckei gỽneuthur gorchymynneu duỽ. Gỽae
ef dyn kymryt ỻeuuer. ac na cheisso ỻeuuer heul grist yn gyfya+
ỽnder. Gỽae ef dyn cassau y gymodaỽc. ac na wedia vyth dros
y neb a|wnel kam ac ef. y|petheu ny thalant dim. 
N *y thal dim y ỻe nyt ymdywynycko yndaỽ neb·ryỽ
gryno·deb. Ny thal dim y ỻe y kedymeithockaer yn+
daỽ baỽp o|r a|wnel argywed. Ny thal dim y ỻauuryeu nyt
enniỻer dim gobrỽyeu o·honunt. Ny thal dim karyat y ỻaỻ
ar dyn y ỻeihaer y da ohonaỽ. Ny thal dim y tegỽch heb neb
un moleitrỽyd ygyt ac ef. Ny thal dim y gỽassanaeth ny
haeder neb rei obrỽyeu o·honaỽ. Ny thal dim y neb keỻweiraỽ
gỽassanaeth y|r arglỽyd. ac yn gaỻel gỽneuthur coỻedeu a phe+
rigleu o·honaỽ. Ny thal dim y goruot y dygynnuỻer dolury+
eu ohonaỽ. Ny thal dim y wreic a gedymdeithockao a phob
gỽr. Ny|thal dim yr enryded y kytsynnyo karyat tỽyỻodrus
ac ef. Ny thal dim neb dyn ny bo ffydlaỽn o|e eir. Ny thal
dim y seythyd ny metro kyfarbet y ergytyon. Ny thal dim
y kynghoruynt. kanys a lauuryer ac a roder trỽyd˄o yn orw+
ac y ỻauuryir. Ny thal dim ffynnyant neb dyn nyt ymar+
betto a gỽeinyeit. Ny thal dim y ty y bo arglỽyd pob gỽas
yndaỽ. Ny thal dim y vydin y ỻywyo paỽb yndi trỽydaỽ e
hun. Ny thal dim y meddaỽt y del pob eissiwet ohonaỽ. Ny

 

The text Y Pethau ni thalant ddim starts on line 10.