LlGC Llsgr. Llanstephan 27 (Llyfr Coch Talgarth) – tudalen 156r
Deall Breuddwydion
156r
Gỽelet bychot neu veheryn. blinder a arỽydocaa.
Dy welet y* chỽare a meibyon bychein. llewenyd a arỽdocaa.
Gorymdeith perllan. collet a arỽdocaa.
Gỽelet enynnedigaeth yn ryỽ·le. perigyl a|arỽdocaa.
Dy welet yn glaf. rybud a arỽdocaa.
Gỽelet dyn yn rithaỽ y llỽdỽn. kodi duỽ a arỽdocaa.
Gỽelet myỽn carchar. haỽl a arỽdocaa.
Dy welet yn nouyaỽ auon. damgyuyngrỽyd a arỽdocaa.
Gỽelet lliỽ ab ar dy lin ar vỽrd. hoydel hir a arỽdocaa.
Gỽelet yn|ymolchi yn|y mor. llewenyd arỽdocaa.
Gỽelet amheraỽdyr. enryded arỽdocaa.
Dygỽydaỽ yn|y mor. ennill arỽdocaa.
Dygỽdaỽ y myỽn fynnaỽn. kuhud arỽdocaa.
Dygỽydaỽ y|myỽn pyscaỽtlyn. llewenyd arỽdocaa.
Dy welet yn ymdeith ym·plith llu. llit arỽdocaa.
Gỽelet yn dala meibon bychein ỽrth vedyd. llewenyd arwydocaa
Gỽelet dỽy loer. kyghoruynt ardỽocaa.
Gỽelet lloer loyỽ. llewenyd a arỽdocaa.
Gỽelet lloer waedaỽl. llewenyd a arỽdocaa.
Gỽelet lloer yn dygỽydaỽ. llauur arỽdocaa.
Gỽelet lloer goch. collet a arỽdocaa.
Gỽelet dy rỽymaỽ. teruysc a|arỽdocaa.
Gỽelet lleuuer. ennill a arỽdocaa.
Gỽelet ymolchi yn|dỽfyr oer. iechẏt a arỽdocaa.
Gelet*. kaffel llyfreu. symut arglỽyd a|arỽdocaa.
Gỽelet lladron. da rac|llaỽ a arỽdocaa.
Dy welet yn kyfrỽch a|th periglaỽr. madeuein o|th pechodeu
| « p 155v | p 156v » |