LlGC Llsgr. Llanstephan 27 (Llyfr Coch Talgarth) – tudalen 154r

Gỽelet yn gỽneuthur aỻoryeu trỽy lewenyd. da a|arỽydockaa. 

Gỽelet yn ymlad a dyn marỽ. Arỽydyon drỽc a|arỽydockaa. 

Gỽelet kymryt bỽyt neu beth araỻ gan dyn marỽ. enryded. arỽydockaa. 

Gỽelet y ganhorthỽyaỽ. enryded. a|ỻewenyd a|arỽydockaa. 

Gỽelet ehetuan y nef. pererindaỽt neu symut y le araỻ. a|arỽydockaa. 

Gỽelet prenn yn tyfu yn|y ty. ỻewenyd a|arỽydockaa. 

Gỽelet yn ymot arueu. kedernit a|arỽydockaa. 

Gỽelet bỽyta kic of. koỻet a|arỽydokaa. 

Gỽelet pesgi wyn neu eu gỽelet yn kysgu. koỻet a|arỽydockaa. 

Gỽelet yn kynnal bwa. kedernit a|arỽydockaa. 

Gỽelet yn|dygỽydaỽ y ar brenn. tristỽch a|arỽydockaa. 

Gỽelet dodi eryr arnat. clefyt a|arỽydocaa. 

Gỽelet ffyrn yn ỻosgi. symut y le araỻ a|arỽydockaa. 

Gỽelet yn|dỽyn peth y gan amheraỽdyr. coỻet a|arỽydockaa. 

Gỽelet yn kymryt peth y gan amheraỽdyr. ỻewenyd a|arỽydockaa. 

Gỽelet yn ymot ỻassywot. ỻauur a|arỽydockaa. 

Gỽelet aỻaỽr. Offerat newyd a|arỽydockaa. 

Gỽelet aỻaỽr yn dygỽydaỽ. Marỽolaetheirat a|arỽydockaa. 

Gỽelet yn saethu a bỽa. ỻauur a|arỽydockaa. 

Gỽelet yn eisted ar y bỽrd yn ỻawen. tristyt a|arỽydockaa. 

Gỽelet awyr gloeỽ. enniỻ a|arỽydockaa. 

Gỽelet yn ymlad a ỻaỽer o adar. gỽythloned a|arỽydockaa. 

Gỽelet yn dỽyn peth y gan adar. coỻet a|arỽydockaa. 

Gỽelet yn dỽyn arueu. enryded a|arỽydockaa. 

Gỽelet yn ymlad a neidyr. dy anghyfeiỻon yn keissaỽ  

Gỽelet arth yn ymauael a|thi. Marỽolyaeth kyfynessa  

Gỽelet gỽenyn yn dỽyn mel. aryant a geffy.