LlGC Llsgr. Llanstephan 27 (Llyfr Coch Talgarth) – tudalen 146r
Purdan Padrig
146r
y diefyl ỽrth y marchaỽc. Ti a|˄odefy y poeneu hynn oỻ ony
wney yn kyngor ni. ac ymchoelut drachevyn ohonat. A
phan dremygaỽd ef eu begythyeu ỽy. y mynnassynt ỽyn+
teu y boeni ef. ac ual y galwaỽd ef enỽ Jessu ny aỻassant
dim drỽc idaỽ. Ac odyna y dugant ỽy ef y·gyt ac ỽynt
y|r pedweryd maes. a|hỽnnỽ oed gyflaỽn o dan a phob ryỽ
boen a govit oed yno. ac yno yd oed dynyon gỽedy eu
crogi a|chadỽyneu tan. rei geyr eu traet. ereiỻ geyr eu
dỽylaỽ. ereiỻ geyr eu hesgeired. ereiỻ geyr eu gỽaỻ. a
than a brỽnstan yn eu kylch. Ereiỻ yn ubein y|myỽn
tan. ac eu penneu yn issaf. ereiỻ ar uacheu heyrn gỽedy
eu gossot yn eu ỻygeit. neu yn eu clusteu neu yn eu trỽy+
neu. neu yn eu gorchyuaneu neu ym penneu y bron+
neu. Ereiỻ myỽn ffyrneu tan brỽnstan yn ỻosgi. ereiỻ
yn eu poethi ar eilch. ereiỻ yn eu pobi ỽrth dan. a phryfet
tan trỽydunt megys bereu. Ereiỻ a phop kyfryỽ daỽd
brỽt yn|dygỽydaỽ arnadunt yn dafneu. a|r hoỻ diefyl yn
eu maedu a ffrowyỻeu dan am·rysson. Ef a welit yno
bop ryỽ boen o|r a eỻit y vedylyaỽ. y marchaỽc a|welei yno
rei o|e gedymdeithyon a atwaenat yn hyspys. Nyt oed a
aỻei dywedut utua a ỻefei* y rei truein a welei ef yno a
ỻaỽn oed y maes hỽnnỽ o dieuyl yn crogi dynyon o new+
yd gyt a|r rei a grogassit yno. A phan vynnassynt ỽy
poeni y marchaỽc yno y gelwis ynteu enỽ Jessu ac y
bu digouyant. Gỽedy eu mynet odyno y le araỻ. ỽynt
a|welynt rot o dan enryued y meint geyr eu bronn. ac
ỽrth gylcheu y rot yd oed bacheu tan o bop parth a dy+
| « p 145v | p 146v » |