Breudwd Rhyddiaith Gymraeg 1300-1425
English

LlGC Llsgr. Llanstephan 27 (Llyfr Coch Talgarth) – tudalen 10v

Ystoria Lucidar

10v

Kyn decket oed ac yd ymdangosses yn|y mynyd. discipulus Paham y
bu uarỽ crist. Magister O achaỽs ufuddaỽt megys y dywedir. ef a vu
ufud hyt yn angeu. discipulus A erchis y dat idaỽ ef varỽ Magister Nac erch+
is. discipulus Paham y ỻadaỽd yr idewon iessu. Magister Am vuchedockau o+
honaỽ drỽy wirioned. a chynnal y wirioned gan dysgu kyfya+
ỽnder yr hynn a|geis duỽ gan bop creadur dosparthus. discipulus Pa+
ham y gadaỽd duỽ ỻad y vn mab ac ynteu yn gaỻel y ludyas. Magister
Pan weles duỽ med ef y vab yn mynnu perffeidyaỽ gỽeithret
mor arderchaỽc ac ymlad a|r|brenhin creulaỽn. a rydhau y kaeth
o|e vedyant. duỽ a gytsynnyaỽd a gytsynnyaỽd ac ef ar y gỽeith+
ret molyannus hỽnnỽ. ac a|adaỽd idaỽ uarỽ. discipulus Pa delỽ y bu gyf+
yaỽn gan duỽ rodi gỽirion dros enwir. Magister am dwyỻaỽ o|r gỽa+
ethaf y dyn mul. Jaỽn vu yna rodi y gỽystyl goreu drostaỽ
y warchae y gelyn. ac y eturyt yn diargywed y hen rydit. ac ueỻy
y dangosses duỽ y garyat y|r byt. megys y dywedir. Ti a rodeist
dy vab y brynu dy was. discipulus Os efo e|hun a rodes y vab o|e vod. beth
a|bechaỽd Judas yr y rodi ynteu. Magister Y tat a|rodes y uab. a|r mab
e|hun a ymrodes yr karyat. Judas hagen a|e rodes ef yr chwant
da. discipulus Paham y mynnaỽd ef varỽ ar y prenn. paham ar y groc.
Magister|Yr prynu pedwar bann y byt. discipulus Pa|saỽl aỽr y bu grist yn va+
rỽ. Magister Deugeint. discipulus Paham yr prynu pedwar|bann y byt. Magister
Y rei hynny a|vuessynt veirỽ yn|y dengeir dedyf. discipulus Pa|hyt y
gorwedaỽd ef yn|y|bed. Magister Dỽy nos a|diwarnaỽt. discipulus Paham y
dwy nos. Magister Y dỽy nos a|arwydockaant deu ryỽ angeu yssyd. vn
y corff ac vn yr eneit. a|r dyd ynteu a|dengys yr angeu. yr|hỽnn
yssyd oleuni y|n angeu ninneu. ac vn ohonunt nyt amgen
angeu yr eneit. a|distrywaỽd. a|aỻ a edewis yr traỻaỽt yr etho+
ledigyon