Breudwd Rhyddiaith Gymraeg 1300-1425
English

LlGC Llsgr. Llanstephan 27 (Llyfr Coch Talgarth) – tudalen 107r

Efengyl Nicodemus

107r

annas a|chiphas. a sonne. a dathan. a gamaliel. a Judas. a leui
a neptalim. ac ereiỻ o|Jdewon. a|dathoethoedynt* att bilatus yn
erbyn iessu y guhudaỽ o laỽer o guhudeidyon drỽc. ac ual
hynn y dechreuassant. Hỽnn heb ỽynt a|adnabuam ni. ac a
wdam y vot yn vab y Joseph saer. a|e eni o veir. ac yn dywedut
y vot yn uab y duỽ. ac yn vrenhin. ac y·gyt a|hynny heuyt y
mae yn amherchi y sadỽrn. ac ygyt a|hynny y mae ef yn dill+
ỽng kyfreitheu yn rieni ni. Pa|beth heb·y pilatus y mae ef yn
y diỻỽng. Yn dedyf ni heb ỽynteu oed na medeginyaethei neb
y sadỽrn. Hỽnn a uedeginyaethaỽd y sadỽrn y cloffyeit. a|r|byd+
eir. a|r cryuachyeit. a|r crupleit. a dynyon a|chythreuleit yn+
dunt. ac o weithredoed camgylus yỽ. Pa|weithretoed yỽ y rei
hynny heb·y pilatusKythreulus yỽ heb ỽynt. ac o nerth bel+
zebub tywyssaỽc y dieuyl y gỽrthlad ef y|dieuyl. ac y darost+
ỽng pob peth idaỽ. Nyt ˄o yspryt drỽc heb·y pilatus y gỽrthled+
ir y dieuyl. namyn o nerth|du*Ni a|adolygỽn y|th uedyant ti
heb yr Jdewon ỽrth bilatus. peri idaỽ ef sefyỻ y atteb rac dy
vronn di. Galỽ negesswas idaỽ a|oruc pilatus. y erchi idaỽ vy+
net yn|ol Jessu. a|r negeswas a|aeth yn ol iessu. a|e adnabot a|w+
naeth. a|brethyn a|oed yn|tro yn|y laỽ a|dannaỽd ar y daear gỽe+
dy adoli idaỽ. ac erchi idaỽ kerdet ar hỽnnỽ kanys y raclaỽ
yssyd y|th alỽ. A phan weles yr Jdewon a|wnathoed y negeswas.
ỻefein a|wnaethant ar bilatus. a|govyn idaỽ paham nat
ringyỻ idaỽ a|anuonei yn|y ol ef. ac nyt y negeswas. kanys
pan y gỽeles y negeswas ef y adoli a|oruc. a thannu diỻat
dan y draet ar y daear. a dywedut ỽrthaỽ. Arglỽyd y mae
y raclaỽ y|th alỽ. a|galỽ ar y negeswas a|oruc pilatus. a go+
vyn