Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 57 – tudalen 76

Llyfr Blegywryd

76

Tri|pheth ny at kyfreith eu damdỽng. bla+
ỽt a gỽenyn. ac aryant bath. kanys eu
kyffelyb a|geffir udunt. Tri phrenn yssyd
ryd eu ỻad yn fforest brenhin. prenn crib eglỽ+
ys. a phrenn peleidyr y gỽneler reit y bren+
hin o·honunt. a phrenn elor.  ~ ~ ~  
T Ri ˄cheyryn canhastyr yssyd. vn yỽ. ỻedrat y
fford y kerda kyfran o·honaỽ. kanys
naỽ affeith yssyd idaỽ. Eil yỽ. hyd brenhin
pỽy|bynnac a|wnel cam idaỽ. Trydyd yỽ abo
bleid. y neb a|wnel cam amdanaỽ. Tri|pheth
a tyrr ar gyfreith. amot. a deuaỽt gyfyaỽn.
ac angev. Tri edyn ny dylyir eu ỻad heb
gannyat ar tir dyn araỻ. eryr. a garan. a
chicuran. Pỽy|bynnac a|e ỻado talet dec a
deugeint aryant y berchennaỽc y|tir. Tri
pheth o|r keffir ar fford. nyt reit atteb y|neb
o·honunt. pedol. a nytwyd. a cheinyaỽc. Tri
dyn ny dyly brenhin eu gỽerthu. ỻeidyr
gỽedy barner y|r|groc. a chynỻỽynỽr. a brat+
ỽr arglỽyd.