Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 57 – tudalen 72

Llyfr Blegywryd

72

yssyd. diaspedein karesseu. a gỽelet elor eu car.
a|gỽelet bed eu car heb y ymdifỽyn. Tri ph+
eth a haỽl dyn yn ỻedrat. ac ny chyngein ỻet+
rat yndunt. adeil. a diot coet. ac eredic. Tri
meib yssyd ny dylyant gyfran o tir gan eu
brodyr vn·uam undat ac ỽynt. Mab a|gaffer
yn ỻỽyn ac ym perth. ac yn andeduaỽl. a|gỽedy
hynny kymryt y vam o rod kenedyl. a|chaf+
fel mab arall. ny dyly hỽnnỽ gyfrannu tir
a|r mab a gahat kyn·noc ef yn ỻỽyn ac ym
perth. Eil yỽ. kymryt o yscolheic wreic o
rod kenedyl. a chaffel mab ohonei. ac odyna.
kymryt o|r yscolheic urdeu offeiradaeth. ac
odyna kaffel mab o|r vn|wreic o|r offeiryat.
ny dyly y mab a gahat kynnoc ef kyfrannv
tir a hỽnnỽ. kanys yn erbyn dedyf y kahat.
Trydyd yỽ. mut kany dyly tir neb nyt attepo
drostaỽ. kany rodir gỽlat y vut. Tri|dyn a
gynnyd eu|breint yn vn dyd. taeaỽc·tref y
kysseccrer eglỽys yndi gan gannyat y bren+