Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 57 – tudalen 42

Llyfr Blegywryd

42

a phei rodei y govynnaỽdyr oet y|r kynnogyn yn
absen y mach gỽedy oet dyd tal.  ~ ~ ~  
T Ri ryỽ tỽng yssyd. kadarnhau gỽir gan
tyngu trỽydaỽ berued. Eil yỽ. gỽadu
geu neu* tyngu trỽydaỽ berued. Trydyd yỽ. tyngu
peth petrus herwyd kyt·wybot yr hynn ny wy+
per yn|diheu beth vo ae gỽir ae geu. O teir|ford
y dosperthir braỽt gynghaỽs. kyntaf yỽ trỽy
odef. kanys godef a|dyrr pob kyngaỽs. Os|braỽ+
dỽr a|odef gỽystyl yn erbyn y varn yn|dangnoue+
dus heb rodi gỽrth·gỽystyl. yna dygỽydedic vyd
y varn. Eil yỽ braỽtlyuyr. sef yỽ hynny priodol+
der y gyfreith deilyngaf rỽng gỽystyl a gỽrthgỽ+
ystyl rodedic yn ỻaỽ gorsedaỽc o laỽ braỽdỽr ac
o laỽ pleit defnyd kynnen am varn. Trydyd yỽ
braỽdỽr bieu dosparth rỽng deu·dyn yn kyngaỽs
am y varn a rodassei udunt heb y hameu trỽy
T Ri ryỽ vanac yssyd. ac am bop [ wystyl
vn onadunt y gossodir reith gỽlat ar
dyn am ledrat. vn yỽ. dyuot coỻedic a managỽr