Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 57 – tudalen 301

Llyfr Blegywryd

301

glỽyd hỽnnỽ a|e|dyly. os gỽyr un arglỽyd vyd+
ant y kyntaf a|dotto y laỽ arnaỽ. hỽnnỽ bi+
eiuyd y arueu a|e yspeil. kanys rann. kyfreith. yna.
O deruyd. ỻosgi ty o|waỻtan. ef a|dyly talu ty o|bop
parth idaỽ. o|r ỻoscant gan|y dan ef. ac ny dy+
ly y tei hynny talu y tei nessaf udunt ỽy.
kyt ỻoscont ganthunt. kanys tan gỽyỻt
yỽ ac na|eỻir y aragu*ac ỽrth hynny ny dyly+
ant ỽynteu na chadỽ y tan hỽnnỽ na thalu
y|weithret. O deruyd. y dyn gadel yt idaỽ heb
vedi. neu heb gynuỻaỽ hyt naỽuettyd gỽe+
dy kalan gaeaf. a mynnu daly yscrybyl ar+
naỽ o hynny aỻan. kyfreith. a|dyweit na dylyir
eu daly. kany|dylyir kadỽ breint y vlỽydyn
yn|y gilyd. O deruyd. bot dadleu y·rỽng deudyn
am dir a|daear. ac yn|y dadleu hỽnnỽ barnu
o|r yngnat gan* vraỽt. ac ar hynny bot yr
haỽlỽr yn galỽ am ystyn o|r|tir. a|dywedut o|r
amdiffynnỽr. camvraỽt a uarnỽyt arnaf|i. a
ỻyma vyng|gỽystyl ar y bot yn gam vraỽt