Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 57 – tudalen 272

Llyfr Blegywryd

272

o|r|sul racwyneb. o cheiff y reith digaỽn yỽ idaỽ.
ony cheiff y reith talet y|haỽl y|r haỽlỽr. ac ony
mynn erlit kyfreith annudon arnaỽ ef a|e
dyly. Pa vach bynnac a|ỽrthtyngo ar yr|am+
diffynnỽr ryd vyd ef o|r haỽl ac o|r vechni.
can goruc teithi mach. Pa vach bynnac ny
ỽrth·tyngo. talet e|hun y|dylyet. O|deruyd
y dyn rodi neu gymryt. iaỽn yỽ idaỽ gadu*
yr|oet a|dylyo. pan|del yr oet. iaỽn yỽ idaỽ e|hun
gouyn y|r talaỽdyr gysseuin. ac os negyd
vyd idaỽ deuet att y mach. a|dywedet bot
y talaỽdyr yn negyd idaỽ. Os ef a|dyweit y
mach. gỽadu nat mach. deuet att yr yngnat
a holet y vach rac deulin yr yngnat. ac os
yna y mynn y mach wadu nat mach. ac
na|s gỽrthtyngo yr haỽlỽr arnaỽ. bit ryd o|r
haỽl ac o|r vechni am y gỽat ry|digones. ac
os gỽrthtỽng a|wna yr haỽlỽr arnaỽ a galỽ
am vraỽt. Jaỽn yỽ barnu ỻỽ y mach ar y
seithuet ual y dywedassam ni uchot. O deruyd
y dyn. kymryt mach ar beth. a|dyuot y dỽy