Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 57 – tudalen 266

Llyfr Blegywryd

266

yn|uab diodef pop mab a|dywetter y vot
yn vab y dyn. Kyfreith a|dyweit nat diodef.
Sef yỽ mab diodef. mab a|dycko y uam yn
gyfreithreithaỽl* kynny chymerer ac na
watter. ac ỽrth na watỽyt diodefedic yỽ. a|hỽn+
nỽ. ny dylyir gỽadu y gyflafan a|wnel. cany
wadỽyt ef pan y duc y vam. O deruyd por+
thi dyn deholedic a vo deholedic o vraỽt gyf+
reith. neu vỽyt wahard o|gannyat arglỽyd.
kyt dywetto rei y vot yn|dirỽyus. kyfreith
hagen a|dyweit na byd ar y neb a|e portho
namyn camlỽrỽ. Pan vo yscar byỽ a|ma+
rỽ y byỽ bieu rannu. a|r marỽ bieu dew+
is. kyfreith aryf yỽ y damdỽng yn|y ỻaỽ
y gỽeler. ac ony ludyir. nyt oes na dirỽy
na chamlỽrỽ. nac ar y neb a|e damdyngo
nac ar y neb y mae ganthaỽ. O ỻudiir
ynteu. bit ar|y breint y holer. Nyt reit
mach ar dilysrỽyd aryf na|thlysseu. trei+
gyledic yỽ* am wregys. a chae. a chyỻeỻ. a
bỽyt treuledic. ac aryant. Sef achaỽs nat