Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 57 – tudalen 262

Llyfr Blegywryd

262

idaỽ gyntaf y amheu y varn neu y etiued
y gỽynaỽ gan brofi trỽy tỽng arglỽyd tre+
myc yn amser y dat. ac ef a|gyngheinei
bot yn|da y varn ac yn|briodaỽl yn|y|defnyd
herỽyd dadylỽryaeth. Eil dyaỻ tremyc
kyndrychaỽl. rodi ar|dyn varn myỽn rỽ+
ym amperthynaỽl. kynn cadeiryaỽ dadyl.
Trydyd deaỻ tremyc kyndrychaỽl yỽ. bar+
nu rỽym ar amdiffynbleit kywlat wedy
kadeiryaỽ dadyl y warandaỽ cof a barn yn
ol deisyf. a|r tremyc hỽnnỽ yssyd yn pỽys+
saỽ ar yr haỽlỽr. achaỽs dilys o gyfreith yỽ
amser y braỽdỽr y rodi barn gỽedy darffo
kadeiryaỽ dadyl. Deaỻ tremyc apsen a
damchweina y|rodi barn ar|diuedyannu
dyn o|e tir kynn bot yn aeduet amser trem+
myc. kanys hyt yna y|dylyir y aros. Eil
deaỻ tremyc apsen yỽ. rodi barn yn ỻỽrỽ
coỻet tragywydaỽl kynn kadeiryaỽ dadyl.
y tremyc kyntaf o|r|deu a|dyeỻir an·amse+
rolder. a|r eil tremyc a|dyeỻir o·blegyt an+