Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 57 – tudalen 24

Llyfr Blegywryd

24

ac y|r gynnen. ac yny damchỽeino gyrru
braỽdỽr yn bleit drỽy ymwystlaỽ. Yno y mae
perthynaỽl y|r gorsedaỽc kadỽ y gynnen my+
ỽn cof diledyf yny vo dosparth y|n·yd y gyf+
reith am y vraỽt gyghaỽs o gyfreith yscriuen+
nedic. neu o|e chyffelybrỽyd priodaỽl. drỽy dar+
ỻeedigaeth doethyon dysgedic yg|kyfreith ac
aỽdurdaỽt a vont alwedigyon o·blegyt y gor+
sedaỽc ar ny bont bleidyeu. a ỻyna vn o|r ỻeo+
ed y mae perthynaỽl tỽng arglỽyd ar y ga+
dỽryaeth honno. Tri amheu braỽt yssyd. vn
yỽ; bot amrysson rỽng haỽlỽr ac amdiffyn  ̷+
nỽr am y vraỽt a rodet udunt. ac yna y mae
y dosparth ar y braỽdỽr a|e rodassei. Eil yỽ;
bot amrysson rỽng haỽlỽr a|braỽdỽr ac ym+
wystlaỽ am y varn. Trydyd yỽ. bot ymwys+
tlaỽ rỽng amdiffynnỽr a braỽdỽr am y vra+
ỽt. ac am y deu ymwystlaỽ hynny yr yt·vyd
y dosparth a|r aỽdurdaỽt ỻythyraỽl. kanys
diledyf gyffredin vyd yr aỽdurdaỽt. Sef yỽ