Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 57 – tudalen 219

Llyfr Blegywryd

219

lyaeth na phraỽf. namyn gadu idaỽ gỽadu
a|dotter yn|y benn. neu ynteu a|e hadefo o|e vod.
Y gyfreith eissoes a|dyweit pa ardelỽ bynnac
ny dotter coỻ neu gaffel yn|y benn. megys
mach neu dyst. neu amodỽr neu arwaessaf
a|dycko dyn arwaessogaeth yn|y benn o|e gadỽ
rac y drỽc. neu arwaessaf a|adaỽho kymryt
drỽc o laỽ dyn. a|mynet y·ryngthaỽ a|r|drỽc a
yrrer arnaỽ. neu ynteu geitweit ot edewir
yn|y ỻe y|dylyont. kyt paỻo y ryỽ wyr hynny
ny dylyir arnadunt namyn gadu udunt
wadu. Tri|dyn bonhedic gỽirion ny dylyant
na galanas na sarhaet. dyn a|lado aniueil. a
dyn a|lado ki kyndeiryaỽc. a|dyn a|lado prenn
ỽrth y vỽrỽ gan y rybudyaỽ. a|oes vn ỻe y bo
eneit·uadeu ỻeidyr gỽerth. kynn|y didor. oes.
ỻe y|gaỻo ymbrynu os mynn. A oes un|dyn
a|vo ỻei y sarhaet no chaeth. oes; y verch kynn
y gỽra. A oes vn aniueil a|vo mỽy gỽerth y da+
uaỽt no|e eneit. oes; hyd brenhin. a oes un|ỻe
y barner reith ar|dyn am ledrat yn ỻaỽ. a|r