Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 57 – tudalen 205

Llyfr Blegywryd

205

tolyaeth ar|aniueil. O deruyd y|dyn ỻad ki kyn+
deiryaỽc. a|holi o|r perchennaỽc y|ki. a dywedut
nat oed gyndeiryaỽ*a|r|neb a|e ỻadaỽd yn prof+
ui y vot yn gyndeiryaỽc. Kyfreith a|dyweit y dy  ̷+
ly y broui os digaỽn. Sef ual y prouir arnaỽ. y
ry|welet yn ymlad a|chỽn. neu yn ymlit dynyon.
neu gỽedy yssu y dauaỽt. ac o|r gỽelir hynny
arnaỽ ryd vyd y lad. kanys kyndeiryaỽc vyd.
Y trydyd yỽ o|r deruyd y|dyn* gỽneuthur kyflauan
neu dỽy. neu teir. a|e diheuraỽ am bop un o| ̷
dỽy. neu dalu drostaỽ. ac ar y dryded gyflauan
y holi o|r dyn y gỽnel eissiwet idaỽ. a bot y per  ̷+
chennaỽc yn mynnu y diheuraỽ. a|r haỽlỽr yn
mynnu proui y vot yn gyneuodic ar hynny.
kyfreith a|dyweit dylyu ohonaỽ y broui os
dichaỽn yn erbyn y perchen.  ~ ~ ~   ~ ~ ~  
N y|byd eneit·uadeu neb yr a|wnel o dreis.
Sef achaỽs yỽ hynny. sarhaet yỽ y|r neb a
dreisser. kanys y da a|dygir yn waradỽydus idaỽ
ac o|e arglỽyd. a|phan wneler iaỽn idaỽ. herỽyd
y|vreint y|diwygir idaỽ y sarhaet. ac y|telir idaỽ y