Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 57 – tudalen 199

Llyfr Blegywryd

199

gỽedy darffo y|magyl. ỽynt a|aỻant hynny o|r
mynnant wahanu. ony byd amot a|e rỽymo. O|r
der·uyd kaeu dol ar ychen. a marỽ un ohonunt
pa adoet bynnac a|e|dycko. iaỽn yỽ caffel y erỽ
ohonaỽ. ot amheuir y perchennaỽc ry gaffel
cam y ganthaỽ ef o|r ych. creirer hyt na doeth y
gam ef ỽrthaỽ. a honno a|elwir erỽ yr ych du.
kyt gỽneler kyuar ac ych. ac na del y|r ỻafur
a|chaeu dol arnaỽ. ac nat ardo na chylch na
deu. ny dyly caffel dim. O|r deruyd bot ychen yn
glaf. ae o vriỽ. ae o beth araỻ. Jaỽn yỽ y|r perchen
kynnal penn yr ieu. O|r|deruyd y dyn mynnu
gỽerthu ych o|r kyfar ry|gyfaroed yndaỽ. ny dy+
ly y|werthu na|e drafnidraỽ yny darffo y kyfar.
ac os gỽerth kynn oet un dyd kynn kaffel y erỽ
coỻi y erỽ o·honaỽ. ac os gỽedy caffel y erỽ o+
honaỽ. kynnal penn yr ieu a|dyly. Paỽb bieu
dỽyn y defnydyeu y eredic. nac ych na heyrn
na phetheu ereiỻ a vo idaỽ. Gỽedy del pob peth
attunt. yr amaeth a|r geilwat bieu cadỽ y rei